--------ဆုံဆည်းရာ---------

အချစ်နဲ့ ချိန်းဆိုထားတဲ့နေရာကို

ညက ကိုယ်တစ်ယောက်ထဲ သွားတဲ့အခါ

ငှက်တွေ သီချင်းမဆိုတော့ဘူး

လေကလည်း မလှုပ်ရှားဘဲ ငြိမ်နေတယ်

လမ်းရဲ့ တစ်ဖက်တစ်ချက်က အိမ်တွေကလည်း

တိတ်ဆိတ်ငြိမ်သက်စွာ ရပ်တည်နေကြတယ်။

ကိုယ့်ခြေထောက်က ခြေကျင်းတွေနဲ့ အသံကလဲ

လှမ်းလိုက်တိုင်း ပိုပြီး မြည်လာလို့

ကိုယ်ရှက်နေမိတယ်လေ...

ကိုယ်တို့အိမ် ဆင်ဝင်ပေါ်မှာ ထိုင်ပြီး

သူရဲ့ ခြေသံတွေကို နားထောင်နေတဲ့အခါ

သစ်ပင်ပေါ်က သစ်ရွက်တွေက အသံမပြုကြတော့ဘူး။

မြစ်ထဲက ရေက အိပ်ပျော်နေတဲ့ အစောင့်ရဲ့

ဒူးပေါ်က ဓားလိုပဲ ငြိမ်သက်နေတယ်လေ...

ကိုယ့်နှလုံးသားက အရမ်းကို တုန်လှုပ်နေလို့

ငြိမ်သွားအောင် ဘယ်လိုလုပ်ရမလဲဆိုတာ မသိတော့ဘူး။

အချစ် ရောက်လာပြီး ကိုယ့်အနားမှာ ထိုင်တဲ့အခါ

ကိုယ့်တစ်ကိုယ်လုံး တုန်ရီပြီး

ကိုယ့် မျက်ခွံတွေလည်း လေးကျနေပြီ။

ညက ပိုပြီးမှောင်လာတယ်....

လေက မီးအိမ်ကို ငြိမ်းလိုက်တယ်...

တိမ်တိုက်တွေက ကြယ်ကလေးတွေကို ကဗလာတွေနဲ့

ဖုံးအုပ်လိုက်တယ်....

ကိုယ့်ရင်ပေါ်က ရတနာလေးကပဲ

တောက်ပပြီး အလင်းရောင်ပေးနေတယ်လေ.....

ဒီအလင်းရောင်ကို.....

ကိုယ်ဘယ်လို ဖုံးကွယ်ထားမလဲဆိုတာ

မသိတော့ဘူးကွယ်။

----ရာဘင်ဒရာနတ်တဂိုး"ဥယျာဉ်မှုး'ကဗျာကို ပြန်လည်ခံစားထားခြင်းဖြစ်ပါသည်။------

[+/-] အပြည့်အစုံသို့...

[+/-] မိတ်ဆက်စာသာ...

သံသာလေကမ်းတိုင်...

“ယခုဘ၀၌ စိတ်တူသဘောတူ ကြည်ဖြူကြသော သမီးခင်ပွန်းတို့ သည် နောက်နောင်ဘ၀၌ မကွဲမကွာ ဖြစ်လိုကြလျှင် တစ်ယောက်နှင့် တစ်ယောက် သဒ္ဓါ ၊ သီလ ၊ စာဂ ၊ ပညာတို့  အရာရာ တူစေကြရမည် ။“
( မြတ်စွာဘုရားရှင် )

“ လူ့ မြေရပ်ခွင် ၊ အိမ့်ရှင် အိမ်သူ ၊ မြတ်ရည်တူလျှက် ၊ ဆုယူညီမျှ ၊ လှူဒါနနှင့်  ၊ သီလမယိုင် ၊ သဒ္ဓါပြိုင်မူ ၊ ဘုန်းလှိုင်ကျော်ကြား ၊ မိုးနတ်သားနှင့်  ၊ ဆွေဝါးအနီး ၊ နတ်သမီးသို့  ၊ ကောင်းချီးအံ့ ရာ ၊ စုမိရှာလျက် ၊ သံသာနောင်လည်း ၊ ချစ်စည်းမပြေ ၊ ရှည်ကြာလေ၏ ။“
( ပဉ္စာဝုဓပျို့ )

ကုသိုလ်နှင့်  အကုသိုလ်တို့ တွင် စိတ်တူကိုယ်သဘောတူ ပြုလျှင် ကံတူအကျိုးပေး ဖြစ်တတ်ပုံကို သတိထား၍ တစ်ယောက်က အကုသိုလ်ပြုလိုလျှင် သဘောမတူဘဲ တားမြစ်ဖို့ သတိပြုသင့် ကြပေသည် ။
“အကုသိုလ်နှင့်  ၊ ကုသိုလ်နှစ်ပါး ၊ကံတရားကား ၊မယားပြုရာ ၊ စိတ်မပါလျှင် ၊ လင်မှာမရ ၊ လင်ပြုကလည်း ၊ မယားအိမ်သူ ၊ စိတ်မတူသော် ၊ မှတ်ယူမှန်စွာ ၊ မရရာဘူး ။ “
( မဃဒေ၀ လင်္ကာ )

[+/-] အပြည့်အစုံသို့...

[+/-] မိတ်ဆက်စာသာ...

အံ့ သြဖွယ်အကောင်းဆုံး

ကမ္ဘာ၏အံ့ သြဖွယ်ရာများအနက် မည်သည့်  အရာသည် အံ့ သြဖွယ်အကောင်းဆုံး ဖြစ်သနည်း ။
မိမိပတ်ဝန်းကျင်တွင် နေ့ စဉ်နှင့် အမျှ လူတွေ သေနေကြပါလျှက် မည်သူမျှ ကိုယ့်ကိုယ်ကို သေမည် မထင်ကြခြင်းပင် ဖြစ်သည်။

[+/-] အပြည့်အစုံသို့...

[+/-] မိတ်ဆက်စာသာ...

ECOLOGY

ဂေဟဗေဒ
ဂေဟဗေဒ ကို အင်္ဂလိပ်လို Ecology လို့ ခေါ်ဆိုပြီး မြန်မာလိုတော့ အပင်တွေ၊သတ္တဝါတွေ ရဲ့ဆက်နွယ်မှုကို လေ့လာသော ဘာသာရပ်လို့ အကျဉ်းချုန်းခေါ်ဆိုလို့ရမယ်ထင်ပါတယ်။
အနတ္တ ကတော့ အပင်တွေအကြောင်းလည်း မသိပါဘူး။ သတ္တဝါတွေ အကြောင်းလည်း မသိပါဘူး။ ဂေဟဗေဒ အကြောင်းလည်း မသိပါဘူး။ ဒါပေမယ့် အပင်တွေ၊ သတ္တဝါတွေ နဲ့လည်း ကင်းကွားပြီး မနေပါဘူး။ ဆက်နွယ်ပါတ်သက်ပြီး နေပါတယ်။ ဘာဖြစ်လို့လည်း ဆိုတော့ အနတ္တဟာလည်း အပင်တွေနဲ့ဆက်နွယ်ပါတ်သက်နေတဲ့ လူဆိုတဲ့ သတ္တဝါ ဖြစ်နေလို့ပါပဲလေ။ အဲဒီမှာ အပင်တွေရယ်၊ သတ္တဝါတွေရယ်ကို နည်းနည်းလောက် စဉ်းစား ကြည့်ရအောင်ဗျာ။
အပင်နဲ့ပါတ်သက်ပြီး ကြားဖူးတာလေးတစ်ခုကို ပြန်ပြောကြည့်မယ်ဗျာ ဂေါတမဘုရားရှင်လက်ထက်မှာ ဆေးဖက်မဝင်တဲ့အပင်ရှိတယ်ဆိုရင် ရှာယူခဲ့ပါ မသေဆေးဖော်ပေးမယ်ဆိုပြီးရှာခိုင်းတာ အပင်တိုင်းအပင်တိုင်းဟာ ဆေးဖက်ဝင်နေသတဲ့ ဆေးဖက်မဝင်တဲ့အပင်ရယ်လို့ ရှာမရဘူးဆိုပဲ။ အပင်တိုင်းဟာ ဆေးဖက်ဝင်တယ်ဆိုပေမယ့် အသုံးချတတ်အုန်းမှကို။ အသုံးမချတတ်ရင် ကောင်းကျိုးတဲ့ဆိုးကျိုးကများ နေမလားပဲ။ ဥပမာ ဒိုင်းနမိုက် လိုမျိုးပေါ့။
အခုတစ်ခါ အပင်တွေရယ်၊ သတ္တဝါတွေရယ် သဘာဝကျကျ တည်ရှိနေတဲ့ နေရာလေးတစ်ခုကို သွားကြည့်ရအောင်။ အဲဒီနေရာလေးကို တောတစ်တော အဖြစ်ယူဆကြပါစို့။ အဲဒီတောလေးထဲမှာ ယုန်တို့၊ သမင်၊ဒရယ်တို့ စတဲ့ အသားမစားတဲ့ သတ္တဝါလေးတွေကို တစ်ဘက်မှာဖယ်ထားပြီးတော့ ကျားတို့၊ ကျားသစ်တို့၊ ခြေင်္သေ့တို့စတဲ့ အသားစား သတ္တဝါတွေအကုန်လုံးကို တစ်ခြားတစ်ဘက်မှာ ဖယ်ထုတ်ထားမယ်ဆိုရင် အဲဒီတောလေးထဲမှာ အသားစားသတ္တဝါတွေပဲ ရှိတဲ့ဘက်အခြမ်းမှာတော့ ဘယ်လိုမှ သာယာချမ်းမြေ့နေမှာမဟုတ်လောက်ဘူး။ နောက်ပြီးရေရှည်တည်တံ့နေမှာလဲ မဟုတ်လောက်ဘူး။ တစ်ကောင်းနဲ့တစ်ကောင်းဟာ ကိုက်ဖြတ်စားသောက် ပြစ်တာနဲ့ သေကျေပျက်ဆီးကုန်မှာပဲလေ။ နောက်ဆုံး သစ်ပင်ချုံနွယ်တွေကပဲတော တစ်ခြမ်းလုံး နေရာယူသွားမှာပဲလေ။ အသားစားသတ္တဝါတွေ မရှိကြတဲ့ ကျန်တဲ့တောတစ်ခြမ်းဟာလည်း အသားစားသတ္တဝါတွေမရှိကြတော့ ကျန်တဲ့သတ္တဝါလေးတွေဟာ ပျော်ရွှင်မြူးတူးပြီး တစ်နှစ်ထက်တစ်နှစ် ပိုမိုတိုးပွားလာမယ်။ အဲဒီလိုတိုးပွားလာတာနဲ့အမျှ သူတို့ရဲ့စားကျက်တွေ ဟာလည်း လုံလောက်မှုမရှိနိုင်တော့ဘူး။ အစာရေစာတွေ တဖြည်းဖြည်းရှားပါလာမယ်ဆိုရင် ငတ်မွတ်ခေါင်းပါးမှုကဒ်တွေဆိုက်မယ်။ ရောဂါဘာယဘေးတွေ ဆိုက်ရောက်လာမယ် ဆိုရင်လည်း အဲဒီဘက်အခြမ်းမှာလဲ မရှေးမနှောင်းပဲ ပျက်ဆီးခြင်းဆုံးခန်းတိုင် သွားကြမှာပဲလေ။ အဲဒီလို ပျက်ဆီးခြင်းဆုံးခန်းတိုင်မှုကို အနှေးဆုံးဖြစ်အောင် သဘာဝတရားက ဖန်တီးထားတာပဲလေ။ သဘာဝကဖန်တီးထားတဲ့ အပင်တွေ၊ သတ္တဝါတွေရဲ့ ဆက်နွယ်ပါတ်သက်နေမှုကိုပဲ ဂေဟဗေဒ လို့ခေါ်ကြတာပဲမဟုတ်လား။ အဲဒီလိုစဉ်းစားလိုက်မယ်ဆိုရင်ပဲ ဂေဟဗေဒ ဆိုတဲ့အကြောင်းအရာလေးက ကျွန်တော်တို့ကို ဘာပြောနေသလဲဆိုရင်……
(၁) အကောင်းတွေကိုချည်ပဲလည်း မမျှော်လင့်ပါနဲ့
(၂) အဆိုးတွေကိုချည်ပဲလည်း မကြောင့်ကျနေပါနဲ့
(၃) အကောင်း၊အဆိုး မညီမျှမှုတွေကိုလည်း မဆိုးရိမ်နေပါနဲ့
(၄) အဆိုးတွေမရှိဘဲနဲ့ အကောင်းတွေဆိုတာမဖြစ်နိုင်သလို
အကောင်းတွေဟာလဲ အဆိုးတွေကြောင့်သာ ထင်ပေါ်လာတာပါတဲ့
(၅) သဘာဝဟာ သဘာဝအလျှောက် သဘာဝအတိုင်းဖြစ်နေတာပါတဲ့
သဘာဝကို ကျော်လွန်ပြီး တည်ရှိနေချင်တယ်ဆိုရင် အရင်ဆုံး သဘာဝကို သဘာဝအတိုင်းပဲ အမှန်တကယ်အဆက်မပြတ် ကိုယ်တိုင်မြင်အောင်၊ ကိုယ်တိုင်သိအောင် ကြည့်နိုင်ရမယ်ဆိုပဲ………

ဒီစာကို Select ပေးပြီး အကျယ် ကို ရေးပါ ...

[+/-] အပြည့်အစုံသို့...

[+/-] မိတ်ဆက်စာသာ...

ညီမျှပါ ။

မေတ္တာဆိုသည်မှာ ...
ဖြူသူမဲသူ ပုသူရှည်သူ ရုပ်ဆိုးသူ ရုပ်လှသူ
အားလုံးအပေါ်တွင် ညီတူညီမျှ
ချမ်းသာစေလိုသော စိတ်ထားကို ဆိုလိုသည်။

လူသားအားလုံးကို လေးစားပါတယ် ပြောနေပေမယ့် ..
တကယ်တော့ တမ်းကျတော့ ..
ကိုယ့်ကို လေးစားသူကိုသာပြန်ပြီး ဂရုစိုက်မိတတ်တယ်။
ငါ့လူမျိုးမှ ငါ့ဆွေမျိုးမှ ငါ့ဘာသာဝင်မှ
ငါနဲ့ အယူဝါဒ တူမျှသူကိုမှ
ချစ်ခင်မယ် လေးစားမယ်လို့ ဖြစ်နေတတ်တယ်။

မေတ္တာစိတ်ရဲ့ ညီမျှခြင်းအကြောင်းကိုပြောနေပေမယ့် ..
လူဟာ ..
တကယ်တော့ .. မညီမျှခြင်းကိုပဲ သဘောကျလေ့ရှိပါတယ်..။

ခိုင်မြဲ

[+/-] အပြည့်အစုံသို့...

[+/-] မိတ်ဆက်စာသာ...

ပန်းပိတောက်

နွမ်းခြောက်ပေမယ့် မှတ်လောက်စရာမို့
တမ်းတမ်းတတ သိမ်းထားပါတယ်
ပန်းကလေးရယ်။

ပျော်မြူးဖွယ် အတာသင်္ကြန်မှာ
အဖော်ထူးရယ်က ငုဝါနဲ့နွေတမာ
လေအလာ သင်းပျံ့ကာမွှေးပါလို့
လွမ်းမောဖွယ် သည်စိတ်လေးရယ်က
နွေအတိတ် အတာသင်္ကြန်ဆီသို့
ဆွတ်ပျံ့ကာ လွန်ကြည်နူး။

လာပြန်ပြီ အတာသင်္ကြန်
မနှစ်ကအကြံ တူကြည်နူးမယ်လို့
ပျော်တမြူးမြူး စိတ်မှာကူးကာဖြင့်
မျှော်တလူးလူး အိပ်ပျက်ညတွေနဲ့
မော်ဖူးပါရစေ ပန်းပိတောက်ရယ်။

သင်္ကြန်အကြို ဝသန်မိုးရွာသွန်းပေမယ့်
ပင်မြင့်မှာ မြန်းစံချင်တဲ့
ပန်းပိတောက် ကလေးရယ်ကြောင့်
ဒီတနှစ်လည်း လှမ်းမျှော်၍ရူး။

ဒီစာကို Select ပေးပြီး အကျယ် ကို ရေးပါ ...

[+/-] အပြည့်အစုံသို့...

[+/-] မိတ်ဆက်စာသာ...

သင်္ကြန်စကား

သင်္ကြန်မှာ စိတ်မီးအိမ် ဥယျာဉ်မှုးတွေ ပြောတဲ့ စကားလက်ဆောင်လေးတွေ တင်ပေးလိုက်တယ်ဗျာ။ ပထမဆုံး မစံပယ်ဆီက လက်ဆောင်စကားလေးကို လက်ဆောင် ကမ်းလိုက်ပါတယ်။

[+/-] အပြည့်အစုံသို့...

[+/-] မိတ်ဆက်စာသာ...

ပိတောက်ဦး နှင့် သင်္ကြန်မိုးပြေး

(၁)
အတွေးတွေ…….။ သင်္ကြန်ရောက်တော့မည် ဆိုတော့ သင်္ကြန်က ကိုယ့်ကို တော်တော်လေးကို လွမ်းမိုးနေတာပဲ ဆိုတာ ပိုသိလာမိ၏။
မလွမ်းမိုးပဲ နေမည်လား။ တကယ်တော့ ကျွန်တော်နှင့် သူ ခွဲနေခဲ့ရာတာ ကြာပြီ…………..။ သင်္ကြန်ရေ ကိုယ့်ကို မှတ်မိသေးလား….။ မင်းနဲ့ ပိတောက်တွေကို ပြန်တွေ့ချင်လှပြီ။ မိုးပြေးလေး နဲ့ အတူ ကိုယ့်ဆီ မင်းလာခဲ့မလား။ ကိုယ်ကတော့ မင်းဆီ ပြန်လာနိုင်တဲ့ အခြေအနေ ကို မရောက်သေးဘူးဆိုတာ မင်း သိတယ် မဟုတ်လား။ မင်း နဲ့ ကိုယ် ၃ နှစ် ခွဲထားရပြီး တကယ်လို့ ဒီနှစ်တာ ကိုယ့်ဆီ မင်းပြန်လာခဲ့ရင်……..။
(၂)
ယနေ့ နံနက် ၆ နာရီလောက်တွင် သင်္ကြန်မိုးနှင့် အတူ ပိတောက်ပန်း ရနံ့ တွေ သင်းပျံ့နေသည်ဟု အိပ်မက်မက်သလို၊ တကယ် ခံစားရသလို ဖြစ်ပြီး နိုးလာသည်။ နိုးလာတော့ မိမိ နေထိုင်သည့် ကလီမန်တီ တိုက်အမှတ် ၄၀၁ နားက ပိတောက်ပင်တွေကို အကုန် လိုက်စစ်ရန် အိမ်နောက်ဘက်က ပြတင်းပေါက်ဆီသို့ အပြေးထသွားကြည့်မိသည်။ တကယ်များ ပိတောက်တွေ ပွင့်နေပြီလား။ ကျွန်တော် တကယ် ပိတောက်ပန်း ရနံ့ တွေ ရနေတာလား။ ပိတောက်ရေ ၃ နှစ်ခွဲခွာ ခဲ့ရပြီး ခုမင်း ငါ့ဆီ ပြန်လာတာများလား။ ရင်ခုန်နေပြီ။ ပိတောက်တွေကို တအားကြည့်ပြီး တအား နမ်းပစ်လိုက် ချင်နေပြီ။ သို့ပေမယ့် ၆ နာရီ ကျော်လောက်တွင် အရောင်တွေကို သဲသဲကွဲကွဲ မမြင်ရသေး။ တကယ်ပွင့်နေတာဆို ဘယ်အပင်ကလည်း။ တိုက်အမှတ် ၄၀၁ မှာက ပိတောက်ပင်တွေ အတန်းလိုက်။ တောပိတောက်ရော ကုလားပိတောက်ပါ ရောယှက်လျက်။ ဒီလိုနှင့် တကယ်ပဲ ပွင့်နေတာလား၊ ငါ့စိတ်က ထင်လို့လား ဆိုပြီး အလင်းရောင် လာအောင် စောင့်ရင်း သူငယ်ချင်း ကိုတောင် ဖုန်းဆက် ပြောဖြစ်သေးသည်။ သူလည်း ကိုယ်လိုပဲ ပိတောက်တွေ အကြောင်းပြောတော့ ရင်ခုန်နေပြီတဲ့လေ။ စောင့်နေရင်း မိုးပြေးလေး တချက် ၀င်ခွေ့လိုက်တော့ ပိတောက်ပင်လည်း နည်းနည်း အလိုက်သင့် ယိမ်းယိုင် ပြီး မိုးပြေးနဲ့အတူ ပြေးဆော့ နေသလို။ ကျီစယ် နေသလိုပင်။ ပိတောက်သာ တကယ် ပွင့်နေပြီဆိုလျှင် ဒီမိုးဟာ သင်္ကြန်မိုးဖြစ်မှာပဲ ဟု တွေးမိသည်။ ပိတောက်ပန်း နှင့် မိုးကို တော်တော်ကြီးမြင်ချင်နေပြီ။ ရင်တွေလည်း ခုန်နေပြီ။ ထို့ကြောင့် အလင်းရောင် လာအောင် အ၀တ်လျှော်ရင်း ကျွန်တော် စောင့်နေလိုက်သည်။
(၃)
ကျွန်တော် က သင်္ကြန် နှင့် ပိတောက်ကို ခွဲခဲ့နေရသည်မှာ ဒီနှစ်ပါဆိုလျှင် ၄ နှစ်ပြည့်ရှိပြီ။ အရင်နှစ်တွေတုန်းက အင်ဒိုနီးရှားမှာ ဆိုတော့ ပိတောက်ကို မခံစားရ။ အင်ဒိုတွင် ပိတောက်ရှိ၏။ သို့သော် ထိုပိတောက်သည် သင်္ကြန်တွင် မပွင့်။ သူပွင့်ချင်သည် အချိန်သာ ပွင့်သည်။ ခုတော့ စင်္ကာပူမှာ။ သင်္ကြန်နှင့် ပိတောက်ကို ဒီရောက်ပြီး တခါမှ မခံစားရသေး။ ဒီနှစ်တော့ အိမ်နားမှာ ပိတောက်တွေ ရှိ၍ ပွင့်လျှင် တော်တော်ပျော်ရမှာပဲ လို့ တွေးမိပြီး သင်္ကြန်ကို ရင်ခုန်စွာ စောင့်နေခဲ့မိသည်မှာ ကြာခဲ့ပြီ မဟုတ်လား။ ဘာပဲပြောပြော အမိမြန်မာနိုင်ငံ နှင့် စွပ်ချွတ် ကြီး မတူလျှင်တောင် သင်္ကြန်ဆို ပိတောက်ပန်း နှင့် သင်္ကြန်မိုး နှင့်မှ သင်္ကြန်ပီသသည်ဟု မိမိက ထင်သည်။ ပိတောက်မရှိ၊ မိုးမရှိလျှင် သင်္ကြန်မဟုတ်သလိုပဲ ခံစားရသည်။ ငယ်စဉ်တုန်းက အညာတွင် သင်္ကြန်မိုးသည် တချိူ့နှစ်များတွင် မိုးပြေးလေးသာပဲ ဖြစ်သည်။ တချိူ့နှစ်များတွင် မုန်တိုင်းနှင့်အတူ သစ်ပင်အကိုင်းတွေကျိူးအောင် ရွာချသည့် မိုးမျိူး။ ဘယ်လို မိုးမျိူးပဲ ဖြစ်ဖြစ် သင်္ကြန်တွင် ရွာသည့် မိုးဆိုလျှင် သင်္ကြန်းမိုးဆိုပြီး ကျွန်တော် တို့တော့ အရမ်းပျော်သည်။ မိုးဦးကျရာသီ ၏ မြေသင်းနံ့ နှင့် ပိတောက် နံ့ ကို ရမှ သင်္ကြန်ကို တကယ်ပျော်ကြတာ မြန်မာ ဓလေ့ပင် မဟုတ်လား။ ထိုဓလေ့တို့ကို ငယ်စဉ်ကတည်းက အရိုးစွဲခဲ့ ရသော်လည်း အသက်ကြီးမှ ခွဲခွာ ထားရစ်ခဲ့ရသည်မှာ ယခုဆိုလျှင် ၄ နှစ်ပြည့်တော့မည်။
(၄)
၇ နာရီ ၁၅ မိနစ်လောက် အချိန်တွင်တော့ အလင်းရောင်က အရှင်းသား မြင်နေရပြီ။ စောင့်နေသည့် နောက်ဘက် ပြတင်းပေါက်မှ ပိတောက်ပင်တွေ အကုန်လုံးကို သေချာ စိစစ်မိသည်။ ဟော တွေ့ပြီဗျ….။ ပိတောက်တွေ။ တောပိတောက်ပင် မှာ ပွင့်နေသည်။ ဒါကြောင့် ဒီကောင် အဲလောက် မွေးနေတာကိုး ဟု ကောက်ချက်ချမိသည်။ ပိတောက်က နှစ်မျိူးရှိသည်မဟုတ်လား။ တောပိတောက် နဲ့ ကုလား ပိတောက် ။ ကုလားပိတောက်က လှတော့ လှပြီး ရနံ့ က မသင်းပေ။ ပြီးတော့ သူက သင်္ကြန်မဟုတ်လည်း ပွင့်ချင် ပွင့်တတ်သေးသည်။ ထို့ကြောင့် အရောင်နည်းနည်း မှိန်သော်လည်း အနံ့သင်းသည့် တောပိတောက်ကိုမှ၊သင်္ကြန်မှ တစ်နှစ်တစ်ခါ ပွင်တတ်သည့် တောပိတောက်ကိုမှ ကျွန်တော် ပိုနှစ်သက်မိသည်။ ခုတော့ တောပိတောက်တွေ တကယ် ပွင့်နေပြီ။ ဒီကောင်တွေ ကို မြင်မှပဲ စောစောက ရွာနေသည့်မိုးပြေးသည် သင်္ကြန်မိုးပြေးလေးပဲ ဟု လက်ခံမိသည်။ သင်္ကြန်မိုးပြေးလေးကလည်း သိပ်မကြာလိုက်ပေ။ ပိတောက်ပန်း၊ပိတောက်ဖူးတွေ စိုရုံလေး ပဲ ဖျန်းပက်သွားသည် ဆိုရုံလေးသာ။ သြော်…….အမိ မြန်မာပြည်ကို လည်းလွမ်းမိသည်။ အညာကို လည်း လွမ်းသည်။ ပိတောက်ကို လည်း လွမ်းသည်။ သင်္ကြန်ကို လည်း လွမ်းသည်။ ရွာပြန်ပြီးလည်း ရေပက်ချင်သည်။ ဥပုသ် လည်း စောင့်ချင်သည်။ ဝေဆာနေသောပိတောက် တမလောက်ကို အပင်ပေါ်ကိုယ်တိုင် တက်ခူးပြီး ချစ်သူ ဆီ ပိတောက် ပန်းတပွေ့ကြီး၊ ပိတောက်ခိုင်းတွေ တပွေ့ကြီးနှင့် လည်း အပြေးသွား ရေပက်ချင်သည်။ ပိတောက်ပန်းဦး နှင့် သင်္ကြန်ရေးဦးဖြင့် ကိုယ့်ချစ်သူအား အဦးဆုံး ဖျန်းပက်ချင်သည့် စိတ်ဓါတ်ကလေးသည်ပင် မြန်မာ ယောက်ျားတို့၏ ချစ်စရာ့ ဓလေ့လေးတခုဖြစ်သည်။ တက်ကြွသည့် လူငယ်ဘ၀ တုန်းက ပိတောက်နံ့ သင်းသင်း၊ လူငယ်ရနံ့ သင်းသင်း နှင့် သင်္ကြန်ကို ပျော်ခဲ့ကြတာ မှတ်မိနေမိသည်။
(၅)
အညာရေ……….ပိတောက်နဲ့ အတူ၊ သင်္ကြန်မိုးနဲ့ အတူ………သင်္ကြန်မှာ မင်းဆီ ပြန်ခဲ့ရင် မင်းရဲ့ သင်းပျံ့ တဲ့ မြေသင်း ရနံ့ နဲ့ ကိုယ့်ကို ကြိုနေမှာလား…………။ ချစ်သူရေ မင်းကိုယ် ပိတောက်တပွေ့ပေးနိုင်အောင် အညာ ကို ကိုယ့်ကို လာကြိုဖို့ ပြောထားပေးဦးနော်။
ဘာပဲပြောပြော ဒီနံနက် ဦးဦးဖျားဖျား မြင်တွေ့လိုက်ခံစားလိုက်ရသည့် ပိတောက် နှင့် သင်္ကြန်မိုးကို ချစ်သူအတွက် သိမ်းထားလိုက်သည်၊ ချစ်သူနှင့် မျှဝေလိုက်သည်ဆိုသည်ကို ချစ်သူသာ သိနိုင်မည် ဆိုလျှင် ထို ပိတောက် နှင့် သင်္ကြန်မိုးကို ချစ်သူနှင့် အတူ ခံစားခဲ့ရသည်ဟု ကျွန်တော် ၀မ်းသာမိမည်သေချာနေပါသည်။

(စကားချပ် - နောက်မှ ပိတောက်ပန်းတွေ ကို ဓါတ်ပုံရိုက်ပြီး တင်ဦးမယ်ဗျာ။ နှစ်သစ်မှာ ရွှင်လန်းပါစေ။ ကိုယ်စိတ်နှလုံး အေးချမ်းကြပါစေ)
အချိန် - ၈ နာရီ ၃၅ မိနစ်
ရက်စွဲ - ၁၁၊၀၄၊၀၈။
တန်ခူးလဆန်း ၇ရက်၊ မဟာသက္ကရာဇ် ၁၃၇၀။
နှစ်သစ်ကူးရုံးပိတ်ရက် ပထမရက်
နေရာ - ကလီမန်တီ တိုက်အမှတ် ၄၀၁

[+/-] အပြည့်အစုံသို့...

[+/-] မိတ်ဆက်စာသာ...

သတိပြု ရှုမိစေရာ

နွေကန္တာလယ် နေခြည်ဖြာလည်း
နေ့ စဉ်မှာလေ ဆောင်နေကြသူ
ထိုထိုလူသား ခရီးသွားသော်
ပူ၏မထင် ရှေ့ သို့ နှင်။
တမူထူးခြား အရိပ်များခို
ကလောင်ကိုစွဲ အားခဲဆောင်ယူ
ထိုထိုလူသား ခရီးသွားသော်
ပူလောင်ပင်ပန်း မရွှင်လန်း။
ထို့ တူသာပင်
ဤ်ခန္ဓာကိုယ် ရုပ်နာမ်တွေများ
လောဘတဏှာ ကိလေသာပွား
လောင်နေငြားလည်း ပူ၏အေး၏
မတွေးမိစဉ် ရှေ့သို့ နှင်။
အရိပ်ထဲမှာ နေဘူးမှသာ
အေးမြဘိ၏ ခံစားသိသို့ 
နိဗ္ဗာန်ဟူဘိ ထိုသန္တိကား
ချမ်းမြေ့ တည်ကြည် မှန်ပေသည်တည့် 
ကူးခပ်စုန်ဆန် လူ့ ဘုံမှန်က
သမုဒယကြောင့်  ဒုက္ခအကျိုး
ဆိုးကျိုးပြစ်မြင် ရှစ်မဂ္ဂင်ကို
သိမြင်စေသား အို ခရီးသွား .................။

[+/-] အပြည့်အစုံသို့...

[+/-] မိတ်ဆက်စာသာ...

ပင်လယ်ပြင်သို့ သွားပါ ။

ပင်လယ်ပြင်သို့ သွားပါ ။

မိတ်ဆွေ ..

သင့်ကိုယ်သင် ...

တောင်ပစိဖိတ် သမုဒ္ဒရာ၏ လူသူ အရောက်အပေါက်နည်းသော

အပန်ုးဖြေကျွန်းငယ်လေး တစ်ကျွန်းပေါ်ရောက်နေသည် .. ဟု

သင့် စိတ်တွင် မြင်ရောင်ကြည့်ပါ..။

သင့်ခြေဖျား သဲအတွင်းနစ်မြုတ်နေပုံ ...

သင် မည်ကဲ့သို့ ဝတ်စားထားပုံ ...

သင် မည်ကဲ့သို လမ်းလျှောက်နေပုံ ...

ပင်လယ်လေ၊ ပင်လယ်ရေနှင့် ပင်လယ်လှိူင်းပုတ်သံတို့ကို ..

သင့်စိတ်တွင်မြင်ရောင်ပါ ..။

ထို့နောက် ..

သင်၏ ဘေးတွင် ယှဉ်၍ လမ်းလျှောက်နေသူမှာ ..

မည်သူလဲ ဆိုသည်ကို ကြည့်လိုက်ပါ ...။

ခိုင်မြဲ

[+/-] အပြည့်အစုံသို့...

[+/-] မိတ်ဆက်စာသာ...

သိပ်ချစ်လို့ဖြစ်မှာပါမေ---->

မြင်ဖူးတဲ့နေကစလို့

ယစ်မူးခုံမင်နေခဲ့တာ

အာရုံအမြင်တွေ

အိပ်စက်လည်း

အိပ်မက်မှာမြင်

နှလုံးခုန်သံတိုင်း

မင်းနာမည် ပဲတင်လို့

သိပ်ချစ်လို့ ဖြစ်မှာပါ---------မေ-------->

[+/-] အပြည့်အစုံသို့...

[+/-] မိတ်ဆက်စာသာ...

ဆိုင်ကယ်နဲ့ကားယာဉ်တိုက်မှု

ဒီကနေ့မြို့ထဲမှာရောက်နေတုန်း အဒေါ်ကြီးတစ်ယောက်ကဖုန်းလှမ်းဆက်တယ်။ သူ့မောင်လေးတစ်ယောက်(ဆိုကြပါစို့ ဧပြီလို့) ဆိုင်ကယ်နဲ့ကား မတော်တဆ ယာဉ်တိုက်မှုဖြစ်လို့တဲ့ အဲဒါနန်းတော်ဆေးရုံမှာသွားတင်တာလက်မခံဘူးတဲ့ ဆေးရုံကြီး အရေးပေါ်ဌာနမှာ အခြေအနေမကောင်းဘူးတဲ့။ အဲဒါသွားကြည့်ရအောင်ဆိုလို့ ပြန်လာပြီး သွားကြည့်ကြတယ်လေ။ လမ်းမှာအဒေါ်လေးတစ်ယောက်ကိုဝင်ခေါ်ပြီးတော့ ဆေးရုံကြီးကိုသွားတယ်။ လမ်းမှာတော့ အဒေါ်နှစ်ယောက် မျက်စိတပွတ်ပွတ်နဲ့ စိတ်မကောင်းစရာပါပဲ (မျက်စိနာနေလို့လားတော့မသိပါ)။ ဆေးရုံကြီးလည်းရောက်ရော ယာဉ်တိုက်မှုအတွက် တာဝန်ရှိရဲဝန်ထမ်းတစ်ယောက်ရောက်နေပြီး လိုအပ်တဲ့ စာရွက်စာတမ်းတွေလုပ်လို့။ ဆေးရုံဝန်ထမ်းတွေလည်း တွန်းလှည်းပြင်လို့ ယာဉ်တိုက်ခံရတဲ့လူနာကို တွန်းလှည်းပေါ်ပြောင်းတင်ပြီးသယ်မယ်ဆိုပြီးတော့ပေါ့။ ယာဉ်တိုက်ခံရတဲ့သူကလည်း ဒူးခေါင်းတစ်ဘက် ယောင်ကိုင်းနေပြီး ကားပေါ်ကနေတွန်းလှည်းပေါ်ကိုတင်ခါနီးမှာ နာလို့အော်နေရတယ်လေ။ တော်တော်စိတ်မကောင်းစရာပါဘဲ။ တော်သေးတာက အဒေါ်ကြီးနဲ့အဒေါ်လေးတို့ ပလက်လန် အဲ…ဟုတ်ပါဘူး ပလန်နက်က သူတို့မောင်လေး ဧပြီ မဟုတ်လို့ပေါ့လေ….. အဲဒါနဲ့ မဆုံးသေးတဲ့ ခရီးကို ဆက်လှမ်းမယ်ဆိုပြီး ဖင်နဲ့ နန်းတော်ဆေးရုံ ကိုချီတက်ကြရတာပေါ့လေ…. နန်းတော်ဆေးရုံလည်းရောက်ရော အလာကောင်းပေမယ့် စိတ်မကောင်းစရာပါပဲလေ……. ဧပြီရဲ့ဦးလေးဆိုသူဆီကဖုန်းလာတယ် ဧပြီးတစ်ယောက်တော့ ဆုံးရှာပြီးတဲ့….တော်တော်ဝမ်းနည်းဖို့ကောင်းတဲ့သတင်းပဲလေ…. ဘယ်တတ်နိုင်မလဲလေ…လောကဓံတရားကိုဘယ်လွန်ဆန်နိုင်ပါ့မလဲလေ….. နောက်ဆုံးအနေနဲ့ သူ့အမဆိုင်ကို လိုက်သွားကြတယ်လေ…. စိတ်မကောင်းစရာတစ်ခု ထပ်တွေ့လိုက်ရတာက သူ့အမ ကိုယ်တိုင်ကအဲဒီသတင်းကိုမသိသေးတာပဲလေ….. အဒေါ်ကြီးကနေပြီးတော့ အကျိုးအကြောင်းပြောပြရတာပေါ့နော်…. အဲဒီအခြေအနေလေကို မျက်လုံးထဲကနေမထွက်နိုင်လို့ သူတို့ပြောတဲ့အတိုင်းလေး ပြန်ပြောပြပါရစေ…… အဒေါ်ကြီး>>> အမမောင် ဆိုင်ကယ်နဲ့ကား မတော်တဆ ဖြစ်လို့ဆို….
ဧပြီအမ >>> အန်………. (အမှန်မှာ အန် လို့အသံမထွက်ပါ.. အန် နဲ့ ဟန် ကြားကစကားလုံးဖြစ်ပါသည် ဝမ်းကောင်းမှလာသော အသံဖြစ်ပါသည် မြန်မာအက္ခရာ သုံးဆယ့်သုံးလုံးတွင်မပါသော အသံဖြစ်ပါသည်။)
အဒေါ်ကြီး >>> အဲဒါ အခုဆုံးသွားပြီဆို
ဧပြီအမ >>> ဘာ…………( ဘာလို့အော်လိုက်တဲ့အချိန်မှာ ကျွန်တော်မမြင်ဘူးမတွေ့ဘူးသေးတဲ့ မျက်လုံးပြူး၊ မျက်စံပြူး ဆိုတာကို အဲဒီအချိန်မှပဲ မြင်ဘူးပြီး လက်နှစ်ဖက်ကလည်း သားကောင်ကိုခုန်အုပ်တော့မယ့် ကျားသစ် လက်လှမ်းလိုက်သလိုမျိုးပါပဲ………….
အဲဒီလိုနဲ့ တိုတိုပဲပြောပါရစေဗျာ… အကြောင်းစုံကတော့ April Fool လုပ်တာပါတဲ့။
ရှက်လည်းရှက်ပါသည်… ဟုတ်လည်းဟုတ်ပါဘူး။


ဒီစာကို Select ပေးပြီး အကျယ် ကို ရေးပါ ...

[+/-] အပြည့်အစုံသို့...

[+/-] မိတ်ဆက်စာသာ...