ကမောင်ကမ တွေ ပြိုလည်းခြင်း

ကိုယ့်စိတ်တွေက ကမောက်ကမနဲ့
ထင်ရာပြေးလွှားပြေးလွှားဆော့ကားနေကြ
အရပ် ရှစ်မျက်နှာကိုတောင် ကျော်လွန်ဖြတ်သန်းကြ
မြစ်၊ချောင်း၊အင်းအိုင်၊ပင်လယ်၊သမုဒ္ဒရာ တွေကိုဖြတ်သန်းကြ
ကောင်းကင်းထက် မှ ငှက်ငယ်တွေ နဲ့ အတူ ပျံဝဲ မြူတူးကြ
မိုးကုတ် စက်ဝိုင်း တဘက်စွန်း ကို အကြိမ်ကြိမ်းရောက်ရှိခဲ့ကြ
အင်္ဂါဂြိုလ် နဲ့ ကမ္ဘာ မြေကြီး ကို ကားလမ်း ရထားလမ်းတွေဖေါက်ခဲ့ကြ
အလိုလေ--ကိုယ့်ရဲ့ အရေပြား အောက် အသား ရဲ့ နာကျင်မှု့ အသိက
ခြင်တစ်ကောင် ရဲ့အနမ်း ရယ်ကြောင့်
ရွှေအိုရောင် အတွေးလေလား---ကြောင်တောင်တောင်အတွေလေလား
ပြိုလည်း ပျက်ဆီး ခဲ့ ရပြီလေ------------------------------------------->

[+/-] အပြည့်အစုံသို့...

[+/-] မိတ်ဆက်စာသာ...

ငါနဲ့ ငါရဲ့အခန်း

အနီအနားမှာ
ကိုယ်တွေး နေတဲ့ အနီးအနားမှာ
မြက်ခင်းစိမ်းစိမ်း လေးတွေမရှိဘူး
ကန်ရေပြင်မြေနီလမ်းတွေ မရှိဘူး
သစ်ပင်ပန်းပင်တွေမရှိဘူး
ငှက်ငယ်လေးတွေလည်းတေးမဆိုဘူး
လေပြေလေညှင်းလည်းမတိုက်ခတ်ဘူး
ကောင်းကင်ပြာပြာကြီးအောက်မှာလည်းမဟုတ်ဘူး
တိမ်ညို တိမ်မှိုင်း တိမ်ပြာ တိမ်ဝါတွေလည်း မပြေးလွှားနေဘူး
ကိုယ်တစ်ယောက်တည်း သံဇဉ်မဲ့-အလင်းမဲ့ -အခန်းထဲမှာ ငြိမ်သက်စွာတွေတောရင်းပေါ့

[+/-] အပြည့်အစုံသို့...

[+/-] မိတ်ဆက်စာသာ...

အတိတ်ရဲ့အရိပ် အိမ်မက်များစွာ....

ကျဆုံးခြင်းတဲ့လား ၊ ဘ၀တစ်ခု အဖန်အဖန်သေဆုံးခဲ့ပြီးတာတောင် ၊နောက်ထပ် သေဆုံးဖို့ အရိပ်မည်းမည်းတွေက စောင့်ကြိုနေကြ ။ မင်း ပျှော်ရွှင်နေလား ။ အစစ်အမှန်ပျှော်ရွှင်ခြင်းတွေရော ဟုတ်ရဲ့လား ။ ကျဆုံးခဲ့ပေါင်းများပါပြီ....။အရေထူနေပါပြီ ။နောက်တဖန်ကျဆုံးဖို့ရာလည်း အဆင်သင့်ဖြစ်နေပါပြီ ။ စိတ် ပြူတင်းတံခါးတွေ ပိတ်ထားဆဲ ။ မင်းမရိုက်ချိုးခင်ကတည်းက ငါ့ခြေထောက်တွေ ငါရိုက်ချိုးခဲ့ပြီးသားပါ ။ မသိခြင်းတွေရဲ့ အနက်ရှိုင်းဆုံးနေရာကို ငါ့ဝိဥာဉ်ကိုမောင်းနှင်နေတယ် ။
အမှောင်တွေကို အမှောင်စစ်စစ်ဖြစ်ဖို့ရာ ငါ့နံရံတွေကို ဆေးအမည်းရောင် သုတ်နေတယ် ။မနက်ဖြန်မှာ တွေ့ရဦးမယ့် အပြုံးအတုတွေအတွက် ၊ အဓိပ္ပါယ်မဲ့နုတ်ဆက်သံတွေအတွက်
အတ္တတစ်ခု တပ်ဆင်နေတယ် ။
ရာစုတွေ ပြည့်ဖုံးကားချသွားလည်း အဆိပ်တွေရောင်ပြန်နေခဲ့ ၊အိမ်မက်ဆိုးတွေသာ ဆုလဒ်အဖြစ်ကျန်ရှိ ။ ကျေနပ်ပါတယ် ။မင်းမရှိတဲ့ကောင်းကင်မှာ ငါ့ရဲ့ထိတ်လန့်မှု့တွေကို ယမကာတွေနဲ့ရောစပ် ဆေးတစ်စက်စက်ကျနေဆဲပါလေ ။ လက်တံတွေ ရပ်နေတဲ့နာရီပျက်တစ်လုံးလို ငါ့ရဲ့အတိတ်တွေ ပစ္စုပန်မှာ ရပ်နေဆဲပါပဲ ။
မင်းကြုံးဝါးခဲ့ဖူးတဲ့ အမှတ်တမဲ့တွေကို ငါအမှတ်တရရှိဆဲပါ ။ခြောက်ခန်းသွားမယ့် အလှတရားတွေနဲ့ ဘ၀ကို ငွေတွေထဲမှာနစ်မြှပ် မင်းဟာ နတ်ဆိုးတစ်ကောင်ဖြစ်ခဲ့ ။ မနုတ်ဆက်လိုက်ပါနဲ့ မင်းနုတ်ဆက်မသွားပါနဲ့ကွယ် ။ပြာလဲ့လဲ့ကောင်းကင်ကြီးရဲ့အလှကိုငါတစ်ယောက်တည်း မကြည့်ချင်ဘူး ။ မင်းရဲ့ပုံရိပ်ဆန်ဆန်အနည်ထိုင်ခြင်းတွေကို ဆေးတစ်ခွက်လောက် တိုက်ချင်သေးတယ် ။ အောက်မေ့ဘွယ် စကားလုံးတွေနဲ့ သံသရာ ကြီးကို စိုက်ပျိုးနေသမျှ ငါတို့မျက်ရည်ကျရဦးမှာပေါ့ ။
မင်းညည်းတွားခဲ့တဲ့ တေးသီချင်းတွေလိုပါပဲ ငါတို့ဘ၀ဟာ အဆံမဲ့နေခဲ့ ။ရူးသွပ်ခြင်းရဲ့အဓိပ္ပါယ်ကိုရှာဖွေဘို့ ငါရူးသွပ်ရဦးမယ် ။ပြီးတော့ အသိခေါက်ခက်အ၀င်နက်တယ်ပဲပြောပြော ငါ့ကိုယ်ငါပြန်လည်ရှာဖွေရဦးမယ် ။မင်းမရှိတော့တဲ့ ငါ့ရဲ့နံဘေးမှာ မင်းပုံရိပ်တွေရေးဆွဲ ငါ့ကောက်ကြောင်းတွေ သော့ဖွင့်ထားတုန်းပါပဲ ။ငါတောင်းပန်ပါတယ်ကွာ ၊ငါ့ကိုမနုတ်ဆက်လိုက်ပါနဲ့ ။မင်းလိုချင်တဲ့ ငွေကြေးတွေအတွက် ငါ့ဘ၀ကို ပုံသေခွက်ထဲ ထည့်ထားတယ်ဆိုတာကိုလည်းမင်းကိုသိစေချင်နေတယ်လေ ။
အိမ်မက်ဆိုးတွေခြောက်လှန့်နေတုန်းပါပဲ ၊ပျှော်ရွှင်စရာအိမ်မက်တွေလည်း အစာငတ်ခဲ့တာကြာပေါ့...ကြာပေါ့ ။မင်းငါ့ကို သတိရတဲ့အခါ...အရင်လို ဟားတိုက်ရယ်လိုက်ပါ ၊မင်းရဲ့လှောင်ရယ်ခြင်းတွေအောက် ငါကျဆုံးပေးပါ့မယ် ။လိုအပ်တိုင်းပေါ့ ၊ငါ့ကိုတော့ အပြီးပိုင် နုတ်ဆက်မသွားပါနဲ့ကွယ် ၊နုတ်ဆက်မသွားပါနဲ့...............ရယ် ။ ။

[+/-] အပြည့်အစုံသို့...

[+/-] မိတ်ဆက်စာသာ...

အသံထွက်၍တွေးပါ ..။

အသံထွက်၍တွေးပါ ..။
လူအများသည်တွေးခြင်းကို အသံတိတ်သာ ပြုလုပ်လေ့ရှိသည်..။အဘယ့်ကြောင့်ဆိုသော် ..
မိမိ ဘယ်လိုဘယ်လောက်တွေးသည်ကို မသိစေချင်သောကြောင့်ဖြစ်သည်..။
မကောင်းသော အတွေးအကြံတို့ကို အသံတိတ်သာ ပြုလုပ်လေ့ရှိသည်..။
မိတ်ဆွေ ...
ယနေ့မှ စ၍အသံထွက်၍တွေးခြင်းကို လေ့ကျင့်ပါ..။
ဆိတ်ငြိမ်သော တစ်နေရာသို့ သွားပါ..။
မိမိဘာတွေ တွေးနေသလဲဆိုသည်ကို နားထောင်ပါ..။

[+/-] အပြည့်အစုံသို့...

[+/-] မိတ်ဆက်စာသာ...

အင်္ဂလိပ်စာ လေ့လာနည်း

ညီလေး ...

ညီလေး ရဲ့ အတန်းတင်စာမေးပွဲတွေလည်းပြီးတော့မယ် ဆိုတော့ ကျောင်းပိတ်ရက်ရှည်မှာ အင်္ဂလိပ်စာ လေ့လာနိုင်အောင် နည်းလမ်းအချို့ရေးပေးလိုက်တယ် ...။ အင်္ဂလိပ်စာလေ့လာရာမှာ အဓိကလိုက်နာရမည့် အချက် (၅) ချက် ရှိတယ်။ အားလုံးထဲကမှ အမှတ်စဉ် (၁) က အရေးအကြီး ဆုံးပဲ။ အခုအမှတ်စဉ် (၅)ကနေ စပြီးဖော်ပြပေးလိုက်တယ် ..။

(၅) အင်္ဂလိပ်စာ လေ့လာခြင်းကို ၀ါသနာပါအောင်လုပ်ပါ၊ ပျော်စရာ ဖြစ်အောင် လုပ်ပါ။
ရက်သတ္တတစ်ပတ်လျှင် အနည်းဆုံး ၂ နာရီမှ ၃နာရီ အထိ အင်္ဂလိပ်စာကို လေ့လာပါ။
အင်္ဂလိပ်စာလေ့လာရာ မှာအခုနည်းလမ်းတွေကို အသုံးပြုခြင်းဟာ အလွယ်ကူဆုံးနှင့် အထိရောက်ဆုံး နည်းလမ်းတွေပါပဲ ..။
စာဖတ်ခြင်း။ ။ မိမိ အင်္ဂလိပ်စာ အဆင့် နှင့် ညီမျှသော စာအုပ်များဖတ်ရှူလေ့လာပါ။
Good English နှင့် English Grammar In Use စသော အခြေခံ အင်္ဂလိပ် သဒ္ဒါစာအုပ်များ ကို ဖတ်ပါ။ ဒီစာအုပ် နှစ်အုပ် က အခြေခံ ကနေ အလယ်အလတ် အဆင့်ထိ ရှင်းပြထားတော့ လူတိုင်းနဲ့ သင့်လျော်တယ်။( ဒီ စာအုပ် နှစ်အုပ် လုံး ငါ မင်းကို ၀ယ် ပေးပြီးသားပါ၊ မင်းအနေနဲ့ စနစ်တကျ လေ့လာဖို့ပဲ လိုတော့တာပါ )
အင်တာနက်။ ။ အင်တာနက်မှ တစ်ဆင့် လေ့လာခြင်း။ ဒီနည်းလမ်းကတော့ လူတိုင်းနဲ့ အဆင်ပြေမှာမဟုတ်ဘူးကွ။ ငါတို့ နိုင်ငံ မှာ တော့ အင်တာနက် ကဈေးကြီးတော့ အင်တာနက်မှာ စာသင်လို့ မဖြစ်ဘူး။ ဒါပေမယ့် … တတ်နိုင်ရင်တော့ အင်တာနက် က အလွယ်ကူဆုံးနဲ့ အထိရောက်ဆုံးပါပဲ။
အင်္ဂလိပ်သီချင်းများနားထောင်ခြင်း။ ။ မင်းအကြိုက်ဆုံး အင်္ဂလိပ်သီချင်းနဲ့ စာသားတွေကို စုဆောင်းပါ။ အိမ်နီးချင်းတွေ၊သူငယ်ချင်းတွေက “တော်ပါတော့” လို့ပြောတဲ့ အထိ မကြာ ခဏသီဆိုပါ။
အင်္ဂလိပ်စာတန်းထိုး ဇာတ်လမ်းများကြည့်ခြင်း။ ။ ဒီနည်းလမ်းကတော့ မင်းအကြိုက်ဆုံး နည်းလမ်းဖြစ်မယ်ထင်တယ်။ မင်းလို ကျောင်းသားတစ်ယောက် အနေနဲ့ စနေ၊တနင်္ဂနွေနေ့ တွေမှာဒီလို နည်းလမ်းနဲ့ အချိန်ုကုန်တာ အကျိုးရှိမှာပါ။ အင်္ဂလိပ်စာ ဗဟုသုတ ရသလို အပန်းဖြေအနားယူ ပြီးသားလည်းဖြစ်သွားတာပေါ့။ ဒါပေမယ့် အထိရောက် ဆုံးဖြစ်ချင်တယ် ဆိုရင်တော့ လက်ထဲမှာ အိတ်ဆောင် အဘိဓာန်လေးကိုင်ထားပါ။ မသိတဲ့ စကားလုံးပါရင် ချက်ချင်းကြည့်ပါ။ ဒီလို နည်းလမ်းနဲ့ သိရတဲ့ စကားလုံးတွေဟာ မေ့မှာ မဟုတ်တော့ပါဘူး။
အင်္ဂလိပ် မဂ္ဂဇင်းများ။ ။ အင်္ဂလိပ်စာ လေ့လာဖို့ ထုတ် တဲ့ မဂ္ဂဇင်းတွေ အများကြီးပါ။ ဥပမာ… The Light of English , English for All တို့ ကို တစ်လတစ်ဆောင် ၀ယ်ဖတ်ပါ။ အားလုံး ၀ယ်စရာ မလိုပါဘူး၊ မင်း အကြိုက် တစ်မျိုးလောက် ကို လစဉ်လေ့လာရင် မင်းရဲ့ အင်္ဂလိပ်စာ သိသိသာသာ တိုးတက်လာမှာပါ။ ဒီစာအုပ်ကို ပဲ နောက်လ အသစ်မထွက်ခင် တစ်လအတွင်းမှာ ပြီးအောင်ဖတ်ရုံပါပဲ။ ပြီးရင် စာအုပ်တွေကို သိမ်းထားပါ၊နောင်တချိန် လိုအပ်ရင် ပြန်သုံးရတာပေါ့။
နောက်ပြီး ညီလေးကို သတိပေးရဦးမယ်..။ မင်းရဲ့ကျန်းမာရေး၊ပညာရေးတို့အတွက် သုံးတဲ့ ကုန်ကျစရိတ်ကို ဘယ်တော့မှ နှမြောတွန့်တိုခြင်း မဖြစ်ပါနဲ့...။ ဒါတွေဟာ နောင်တချိန် မင်းဘဝတိုးတက်ဖို့အတွက် ရင်းနှီးမြှုပ်နှံမှူတွေဆိုတာကို သတိရပါ ..။

(၄) ပုံမှန် လေ့လာပါ။
အင်္ဂလိပ်စာလေ့လာခြင်းကို အချိန်အကြာကြီးရပ် မထားပါနဲ့၊။ နောက်ပြီး တစ်ထိုင်တည်းနဲ့ အချိန်အကြာကြီး မလေ့လာပါနဲ့။ မလေ့လာတာကြာသွားရင် အားလုံးမေ့ သွားပြီး အစကနေ ပြန်လေ့လာနေရမယ်။ တစ်ချိန်တည်းနဲ့ အကြာကြီးလေ့လာမယ် ဆိုလည်း ကြာလာရင် ငြီးငွေ့သွားမယ်။ အကောင်းဆုံးကတော့ တစ်နေ့ ကိုနာရီဝက်လောက် လေ့လာတာ ကောင်းဆုံးပဲ။ ပိုပြီး မြန်မြန် တိုးတက်ချင်တယ်ဆိုရင်တော့ တစ်နေ့ကို တစ်နာရီလောက်လေ့လာပါ။ တစ်ပတ်ကို အနည်းဆုံး (၅)နာရီလောက်လေ့လာပါ။

(၃) ကျောင်းသင်ခန်းစာတွေကို စနစ်တကျလုပ်ပါ။
အင်္ဂလိပ်စာအချိန် စာသင်ခန်း အတွင်းမှာ ဆွေးနွေးတိုင်ပင်ပါ။ အင်္ဂလိပ်စကားပြောကြည့်ပါ။ အချင်းချင်း တိုင်ပင်ခြင်းအားဖြင့် အပြန်အလှန် အင်္ဂလိပ်စာ တိုးတက်လာစေနိုင်သည်။ ကျောင်းပြဌာန်းစာအုပ်ကို မကြာမကြာ ဖတ်ပါ၊ ဝေါဟာရအသစ်တွေကို လေ့လာပါ။
အရေးအကြီးဆုံးကတော့ အိမ်စာတွေလုပ်ပါ၊ အင်္ဂလိပ်စာ အချိန်တွေကို မပျက်မကွက်တက်ပါ။

(၂) ဆရာကို မေးပါ။
ဆရာ တစ်ယောက်နဲ့ အတူ ဆရာ့ ရဲ့ လမ်းညွှန်မှူနဲ့ လေ့လာရင်တော့ ပိုပြီး စနစ်ကျမယ်၊ပိုပြီး အချိန်မှန် လေ့လာဖြစ်တာပေါ့။ ဒါပေမယ့် … မင်းလို တက္ကသိုလ်ကျောင်းသားတစ်ယောက်အနေနဲ့ အခြေခံအဆင့် လောက် ကိုတော့ သိပြီးသားပါ။ ရှေ့ဆက်ပြီး ကိုယ်တိုင်လေ့လာဖို့ပဲ လိုတော့တာပါ။
အဲဒီအတွက်လည်း ငါမင်းကို အတော်အသင့် ပြောပြရှင်းပြထားပြီးသားပါ။
အင်္ဂလိပ်စကားပြောတတ်ဖို့ ကိုတော့ မင်းဒီအချိန်မှာ မစဉ်းစားပါနဲ့ဦး။ အင်္ဂလိပ်သဒ္ဒါ နဲ့ ဝေါဟာရကြွယ်ဝလာပြီ ဆိုရင် အင်္ဂလိပ်စကားပြော က မတတ်ချင်လို့ကို မရတော့ပါဘူး။

(၁) လေ့လာဖို့ရာ မင်းတာဝန်
အင်္ဂလိပ်စာလေ့လာဖို့ရာ မင်းတာဝန်ပါ၊ မင်းကို သင်ပေးတဲ့ ဆရာရဲ့တာဝန်မဟုတ်ပါဘူး။ ကိုယ်တိုင်စလေ့လာရပါမယ်၊ ဆရာက ကိုယ်စားလေ့လာပေးလို့မရပါဘူး.။ ဆိုလိုတာက… အချိ်န်များစွာ မင်းတယောက်တည်း လေ့လာနေရမယ်…။
ဒီအမှတ်စဉ်(၁) ကနေစပြီး အမှတ်စဉ်(၂.၃.၄.၅) အစဉ်အတိုင်း လိုက်နာသွားရုံပါပဲ။ ဒီနည်းအတိုင်း စိတ်အားထက်သန်စွာနဲ့ ရေရှည် လေ့လာသွားရင် အင်္ဂလိပ်စာမှ မဟုတ်ဘူး ဘယ်ဘာသာစကားမဆို အချိန်တိုအတွင်းမှာ တတ်မြောက်သွားမှာပါ။
မင်းသိထားရမှာက …..
“စိတ်ဝင်စားလေ၊ ပိုပြီးလေ့လာလေ။
ပိုပြီးလေ့လာလေ၊ မြန်မြန်တတ်မြောက်လေ” ဆိုတာပါပဲ။

မင်း ရဲ့စာမေးပွဲပြီးသွားရင် စာမေးပွဲ အခြေအနေကို စာပြန်ရေလိုက်ဦးကွာ..။ နောက်ပြီး ကျောင်းပိတ်ရက်မှာ မင်း ဘာလုပ်ဖို့ စဉ်းထားလဲ ဆိုတာပါ ထည့်ရေးလိုက်ပါ..။


မင်းရဲ့ အစ်ကိုကြီး ...
ခိုင်မြဲ
စက်တင်ဘာ ၂၀၊ ၂၀၀၈။

[+/-] အပြည့်အစုံသို့...

[+/-] မိတ်ဆက်စာသာ...