ပိုးကိုက်ခံဘ၀အဖြစ်
စင်္ကာပူနိုင်ငံ၊ မြန်မာများ ထူထပ်စွာနေထိုင်သော ကလမန်တီ မြို့နယ်တွင်ဖြစ်သည်။ ဘူတာအနီး ATM စင်တာ သို့ ငွေသားထုတ်ယူရန် ကျွန်ုပ်နှင့် သူငယ်ချင်းတစ်ဦး ဘူတာမှ လမ်းလျှောက်လာခဲ့၏။ ATM စင်တာတွင် စက်နှစ်လုံးရှိရာ တစ်လုံးတွင် အိန္ဒိယ နွယ်ဖွားဖြစ်ဟန်တူသော အဒေါ် တစ်ယောက် ငွေထုတ်နေ၏။ တခြားစက်တစ်လုံး၏ ရှေ့မကျ ဘေးမကျ တွင် အိန္ဒိယ နွယ်ဖွား ဦးလေး တစ်ယောက် ရပ်နေ၏။ ထိုဦးလေးမှာ စက်အားနေသော်လည်း ငွေမထုတ်ပဲ စက်ရှေ့ရပ်နေသောကြောင့် ကျွန်ုပ်နှင့် သူငယ်ချင်းမှာ အံအားသင့်နေ၏။ "ဟေ့ရောင်.. ဟိုဘက်က ကုလားကြီးက ဘာလဲကွ။ စက်အားနေလျက်သားနဲ့ မထုတ်ပဲ စက်ရှေ့ ရပ်နေတယ်..။" "အေးကွ... ဒါမှမဟုတ် ရှေ့က လူက ထုတ်ပြီး ခုမှ ထွက်သွားတာဖြစ်မယ်။ ငါတို့ နဲ့ သူနဲ့ အတူတူလောက်ရောက်လို့ ငါတို့ကို အားနာလို့များ စောင့်နေတာလား" ထိုစဉ်...ထို အိန္ဒိယ နွယ်ဖွား ဦးလေးမှ "ကုလားတော့ ကုလားပဲ။ ဒါပေမယ့် ငါက ရွှေကုလားပါကွာ။ ဒီစက်က အားတယ်။ မင်းတို့ ထုတ်ရင် ထုတ်လေ။ ငါက ဟုတ်ဘက်က ပိုက်ဆံထုတ်နေတဲ့ ငါ့အမျိုးသမီးကို စောင့်နေတာကွ။" ဟူသတတ်...။ ကောင်းတမန်
စင်္ကာပူရောက် ဗမာ လူငယ် သုံးဦး MRT အစိမ်းလိုင်းစီး၍ ဗမာ ပလာဇာ သို့ သွားရင်း ရထားပေါ်တွင် စကားစမြည် ပြောဆိုနေကြ၏။ဘေးနားမှ တရုတ်လူမျိုး ပုံပေါက်၍၊ တရုတ်လူမျိုးဟု ထင်ရသော အဒေါ်ကြီးတစ်ယောက်က အသံစွာကျယ်စွာကျယ်ဖြင့် စကားပြောနေသော ထို လူငယ်သုံးဦးကို ကွက်ကြည့် ကွက်ကြည့် လုပ်နေလေ၏။ ထိုစဉ် "Red Hill" ...... "Next station: Tiong Bahru" Red Hill ဘူတာတွင် ခရီးသည်တချို့ ဆင်းသွားသဖြင့် လူငယ်သုံးဦးရှေ့က ထိုင်ခုံတလုံး လွှတ်သွားလေသည်။ လူငယ်များမှ ယဉ်ကျေးမှု အရ ဘေးမှ အဒေါ်ကြီး ထိုင်လိုက ထိုင်နိုင်ရန်အတွက် ချက်ချင်း ထိုင်ခုံတွင် ၀င်မထိုင်ပဲ နေရာပေးလိုဟန် ပြုကြ၏။ အဒေါ်ကြီးက အတန်ကြာသည် အထိ မထိုင်သဖြင့် လူငယ်သုံးဦးအနက် တစ်ဦးက ထိုင်ခုံတွင် ၀င်ထိုင်လေ၏။ ထိုအချိန်တွင် ကျန် လူငယ် နှစ်ဦး အနက် တစ်ဦးမှ နောက်လိုဟန်ဖြင့် "ဟေ့ရောင်...မင်းက ခပ်တည်တည်နဲ့ ၀င်ထိုင်နေ၊ ဘွားတော်က မင်းကို တင်းနေပြီနော်..ဟား...ဟား" သို့ရာတွင့် ဘေးမှ အဒေါ်ကြီး ဗမာသံအပြည့်ဖြင့်ပြန်ပြောလိုက်သော စကားကို ကြားလိုက်ရသောအခါ လူငယ်သုံးဦးလုံး ပါးစပ် အဟောင်းသား ဖြင့် နှုတ်ဆိတ်နေလေတော့၏။ "အမယ်လေး...မတင်းပါဘူးတော်...၊ မတင်းပါဘူး။ ထိုင်ပါ၊ ထိုင်ပါ။" ကောင်းတမန်
ဧရာဝတီဟာ
ဘာပဲဖြစ်ဖြစ်
သူ့သဲတပွင့်
အရောင်းခံရတိုင်
ငိုတယ် တဲ့ သားရ။
ဘယ်သူသိမှာလဲ .. ။
ခုဆို ...
ဧရာဝတီရဲ့ သဲတွေ
ကျွန်းဖြစ်နေလော
ကောင်းတမန်
The Mighty Irrawaddy cries
Whenever it dries
Because his beautiful pieces of sand
Being sold to the other land.
Alas!
Who knows when it comes for those sands
to become a part of a small island!
Kaungtamang
သီတင်းကျွတ်ပြန်ပြီ ဆိုတော့ လွန်ခဲ့တဲ့ သီတင်းကျွတ်တွေတုန်းက စိတ်မီးအိမ်မှာ တင်ခဲ့တဲ့ ပို့စ်လေးကိုပဲ ထပ်တင်ပေးလိုက်ပါတယ်။
စိတ်မီးအိမ် နှင့် သီတင်းကျွတ်
လူမှန်းသိစ၊ ငယ်ဘ၀မှသည်
ဤပျော်ရွှင်မြူး၊ သီတင်းကျွတ်ဦးကို
ပူဇော်အထူး၊ဆီးမီးဖူးဖြင့်
တာဝတိံသာ၊နတ်ရွာမှဆင်း
လူ့ပြည်ဝန်းကို၊ ဆင်းသက်ပြန်လာ
မေတ္တာအနန္တ၊ ဖြန့်ကာချသည့်
ဗုဒ္ဓမဟာ၊ မြတ်လှစွာအား
ငါးပါးမာန်ချ၊ ၀တ်တွားခသည်၊
ပီသညီညာ၊ပြည်မြန်မာ ဓလေ့
မမေ့မှန်စွာ၊ ယနေ့တာထိ။
မြတ်သောဘုရား၊ ၀တ်တွားပြီးသော်၊
အော် မိအဖ၊ ဆရာနှင့်တကွ
ဘိုးဘွားမကျန်၊လူကြီးမှန်ကို
ဝန်ချတောင်းပန်၊ကန်တော့ပြန်သည်
ချစ်စရာ့မြန်မာ့ ဓလေ့ပါတကား။
အခ်ါသမယ၊ ဤကာလသည်
တမျိုးတမည်၊ထူးခြားပြန်၏်။
အကြောင်းမူကား၊ငယ်ပေါင်းကြီးဖော်
အဆွေတော်တို့၊မွေးမြေရပ်ရွာ
ချက်ကြွေမှာစု၊လူမှုဘ၀
ငယ်ဘ၀ကြောင်း၊နှောင်းကြောင်းမကျန်
ပြန်ပြောင်းအောက်မေ့၊ ခွင့်ခါတွေ့သည့်
အခါသမယပါတကား။
ထိုမှတဖန်၊ကြည့်ပြန်လတ်သော်
ဖော်ကောင်းဆွေမြတ်၊ လက်တွဲထပ်ယူ
တူညီဘ၀၊စိုက်ထူကြရန်
ရည်သန်စူးထား၊ထိုဆွေနှစ်ပါး
မင်္ဂလာတရား၊ထိပ်တင်ထားကာ
ထိမ်းမြားပြန်သည်၊မင်္ဂလာခါညီ
ပီသပြန်သည့်၊ဤသီတင်းကျွတ်ပါတကား။
ထိုမျှမြတ်လှ၊ခါသမယ၌
မြတ်သထက်မြတ်၊အမြတ်ထပ်ရန်
ရည်သန်ကြိုးကုတ်၊အင်းအားထုတ်၍
ဖော်ပေါင်းတစ်အုပ်၊စုဆောင်းလုပ်ကာ
အင်တာနက်လိုင်း၊ဘလော့ဂ်တိုင်းတွင်
ဆီးမီးတထိန်၊မီးတစ်အိမ်ကို
စိတ်ပေါင်းများစွာ၊စုစည်းလာ၍
ညီညာပြုံးပြုံး၊ထွန်းကာရုံးသည်
နာမသညာ၊ခေါ်ဆိုရကား
စိတ်မီးအိမ်ဟု အစုပြု။
စိတ်မီးအိမ်ဟု၊အစုပြုထား
ဥယျာဉ်ဖွားက၊သီတင်းကျွတ်ခါ
အချိန်သာတွင်၊လေးနက်မှန်စွာ
ဘုရား တရားသံဃာ၊အမြတ်ဆုံးရတနာ
မိဘ၊ဆရာပါမကျန် ငါးဖြာအနန္တအား
မီးအိမ်တခု၊သူတို့ပြု၍
လွန်စွာရိုိကျိုး၊ရှိခိုးပါ၏။
ဤကျိုးအားကြောင့်၊ စိတ်မီးအိမ်သည်
ကမ္ဘာတည်သရွေ့၊တည်ပါစေသား၊
တည်စေသား။ ။
ကောင်းတမန်
တွေးကြည့်ရင် ကိုယ်ကိုယ့်ကို မကျေနပ်ဘူးဗျာ။
လောကမှာကျွန်တော် အဖြစ်ချင်ဆုံးက လက်ရှိအချိန်လေးမှာ သတိလေးနဲ့ နေပြီး သမာဓိအားကောင်းသူ ဖြစ်ချင်တယ်။ ဒါဟာ ထင်သလောက် တကယ် ကို မလွယ်တဲ့ကိစ္စပါ။
စိတ်ဆိုတာလည်း လွင့်ပါးတတ်တဲ့ သဘာဝ ရှိတော့ ခက်သား။ လွင့်ပါးတဲ့ စိတ်ကို စိတ်နဲ့ပဲ ပြန်ထိန်းရတယ်လို့ အဆုံးအမတွေ ရှိတာသိနေပါလျက်နဲ့ကို မထိန်းနိုင်ဘူး ဖြစ်နေတာပါ။
ဥပမာ....ခု ကျွန်တော် စာတမ်းတခု ရေးစရာ ရှိတယ် ပဲ ဆိုပါတော့။ အစကတော့ ရေးနေတာပဲ။ အဲ..ရေးရင်း ခက်တဲ့နေရာ၊ စဉ်းစားရမယ့် နေရာလေးတွေ ရောက်လာတော့ မစဉ်းစားချင်တော့ဘူး။ ဦးနှောက်ကို အလုပ်မပေးချင်ပြန်ဘူး။ ပြောရရင် ဒါ အပျင်းစိတ်ဝင်လာတာပါ။ ဒီအချိန်မှာ သတိ နဲ့ သမာဓိ လွတ်သွားရင် ဘာမှကို မထိန်းနိုင်တော့ပဲ တခြား စိတ်ဆန္ဒက လိုလားနေတဲ့ တခုခု ကောက်လုပ်မိတော့တာပဲ။ ဥပမာ အင်တာနက်လိုင်းပေါ်တွင် သူငယ်ချင်းတွေနဲ့ စကားပြောခြင်း၊ အင်တာနက်စာမျက်နှာများ ကို လိုက်လံဖတ်ရှုခြင်း စတာတွေ လုပ်ဖြစ်မှာပါ။
အဲလို စိတ်ဆန္ဒတွေက တောင်းဆိုနေတာကို လိုက်လျောမှုမပေးပဲ တိုက်ခိုက်ပြီး လုပ်စရာရှိတာ၊လုပ်သင့်တာကို ပြန်လုပ်နိုင်ဖို့ သမာဓိအား အလွန်လိုပါတယ်။ စိတ်ဆန္ဒစေခိုင်းရာနောက်ကို လိုက်မိပြီဆိုရင် လိုက်မိမှန်း သိပြီး ခဏအတွင်း အမြန်ပြင်သင့်ပါတယ်။ တကယ် လုပ်စရာရှိတဲ့ဟာ ကို ပြောင်းလုပ်နိုင်ရပါ့မယ်။ မဟုတ်ရင် လုပ်သင့်တာ အချိန်မီမလုပ်၊ ပြီးသင့်တာ အချိန်မီမပြီး ဖြစ်လာပြီးလူကို အင်မတန် စိတ်ဖိအားတွေ ဖြစ်လာစေပါမယ်။ ဒါဆို စိတ်ဖိအားဖြစ်လာလေ ပိုမလုပ်ချင်လေ။ ပိုမလုပ်ချင်လေ စိတ်ထဲရှိတာတွေ လျှောက်လုပ်လေ ဖြစ်ရင်းကနေ လူပျင်း၊ လူဖျင်း တယောက် ဖြစ်သွားနိုင်ပါ။
ဒါကြောင့် အရေးကြီးဆုံးက ကြားထဲမှာ စိတ်ဆန္ဒက တောင်းဆိုနေတာတွေ လျှောက်မလုပ်ပဲ၊ တကယ်လုပ်မှ ပြီးမယ့် ဟာကို အကြွေးမထားပဲ ထိထိရောက်ရောက် နေထိုင် ကျင့်သုံး လုပ်ဆောင်ရပါမယ်။
ဒါမှ ကိုယ်ဟာ တာဝန်ကျေသူ၊ စိတ်ဖိစီးမှု ကင်းသူ၊ ဘ၀ကို ပျော်ရွှင်စွာ နေထိုင်နိုင်သူ ဖြစ်လာမှာပါ။
ကဲ..ပြောနေကြာပါတယ်။ ကျွန်တော် အခု စိတ်ဆန္ဒတောင်းဆိုမှုအရ လုပ်နေတဲ့ ဒီစာရေးတာကို ခုပဲ ရပ်ပြီး တကယ် လုပ်ရမယ့် စာတမ်းရေးတာ အပြီးဆက်ရေးလိုက်ပါဦးမယ်။
ကောင်းတမန် (သီရိကုက္ကို)
စင်္ကာပူစံတော်ချိန် မွန်းလွှဲ ၁ နာရီ ၄၆ မိနစ်
၂၀၀၉-၀၆-၁၃
စင်္ကာပူက မြန်မာအသိုက်အ၀န်းလေးက တော်တော်ကျယ်ပြန့်လာပါပြီ။
၁။ ရထားဘူတာတိုင်းနီးပါးမှာ မြန်မာစကားသံတွေ ကြားရတတ်ပါတယ်။
၂။ တခါတလေ သနပ်ခါးပါးပါးလေးနဲ့ မဒီတွေ၊ ပုဆိုး၊ ထဘီ၊ လွယ်အိတ်တွေ ၀တ်ထားတဲ့ ကိုကို၊မမတွေကိုလည်း တွေ့နိုင်ပါသေးတယ်။
၃။ ပြီးတော့ စင်္ကာပူရဲ့ လူနေထူထပ်တဲ့ မြို့နယ်တွေမှာ မြန်မာထမင်းဆိုင်တွေလည်း အတော်များနေပါပြီ။
ကျွန်တော်နေသော မြို့နယ်တွင် သိသလောက် လက်ရှိ နှစ်ဆိုင် ရှိပါတယ်။
၎။ အဲ…အဓိကကတော့ မြန်မာဆိုင်တွေပေါပြီး၊ မြန်မာများစုဝေးလေ့ ရှိတဲ့ ပင်နီစူလ ပလာဇာကိုတော့ စင်္ကာပူနိုင်ငံသားတွေကိုယ်တိုင် ဘားမားမောလ် လို့ နာမည် ပေးထားလေရဲ့။
ခုလည်း လာပြန်ပါပြီ နောက်တစ်ဆိုင်…။
ကျွန်တော့အတွက်တော့ ကံကေင်းတယ်လို့ ဆိုရမှာပဲ။ မြန်မာအစားအစာ အင်မတန် ငတ်တတ်တဲ့ ကျွန်တော့်အတွက် ကျွန်တော့် အိမ်အောက်က ထမင်းဆိုင်တန်းမှာ အောင်..မြန်မာစားသောက်ဆိုင် မကြာမှီ ဖွင့်တော့မည် ဖြစ်သည်။
ဆိုင်မဖွင့်သေးပါသော်လည်း အငမ်းမရ ဖြစ်နေပါ၍ ဆိုင်ကို ဓါတ်ပုံသွားရိုက်ယူထားခဲ့ ရာ အောက်တွင်တင်ပေးလိုက်ပါသည်။
%5B3%5D.jpg "12062009(001)")
ကောင်းတမန်(သီရိကုက္ကို)
စင်္ကာပူစံတော်ချိန် နံနက် ၇ နာရီ ၂၂ မိနစ် (၂၀၀၉-၀၂-၀၆)
၁။ ဆော့ဖ်ဝဲ တခုလုံး မြန်မာမှု ပြုထားသဖြင့် မြန်မာများ စာစီ၊စာရိုက် နဲ့ တခြားအရာများကို လွယ်ကူစွာ သင်ယူလေ့ကျင့်နိုင်ခြင်း။
၂။ ၎င်းမှ အခြေခံ၍ တခြား ဆော့ဖ်ဝဲများကိုပါ (ဥပမာ - Microsoft Office) မြန်မာမှု ပြုလာနိုင်ပါက ပို၍ အကျိူးများနိုင်ခြင်း။
၃။ ထို့ထက်တဆင့်ပိုတက်၍ မြန်မာများရေးသော မြန်မာဆော့ဖ်ဝဲများ ဖန်တီး ထုတ်ဝေလာနိုင်ခြင်း။\
အခု ဒီစာမျက်နှာကို ရေးနေတာ OpenOffice Burmese version ကို သုံးပြီးရေးနေတာပါ။
OpenOffice ကို မြန်မာမှု ပြု ထားတာ တော်တော် စိတ်ဝင်စားဖွယ်ကောင်းပါတယ်။ OpenOffice ဟာ Microsoft Office လိုပါပဲ။
၁။ စာရွက်၊စာတမ်း ပြုစုရေးသားဖို့
၂။ စာရင်းဇယားတွေ ပြုစုဖို့
၃။ ပုံတွေဆွဲဖို့
၎။ သချာင်္ပုံသေနည်းတွေ ရေးဖို့ နဲ့
၅။ အစည်းအဝေးအတွက် ဆွေးနွေးတင်ပြချက်တွေ ရေးဖို့
စသည်တို့ အတွက် အသုံးဝင်ပါတယ်။
ဒီလို ဆော့ဖ်ဝဲ ကို မြန်မာမှု ပြုပေးလိုက်တာကတော့ http://my.openoffice.org/ ဆိုတဲ့ စီမံကိန်းကို အကောင်အထည်ဖော်နေသူတွေပဲ ဖြစ်ပါတယ်။
အခု ဒီစာမျက်နှာဟာ သူ့ကို သုံးပြီး ပထမဆုံး ရေးထားတဲ့ စာပါ။ အားလုံးကို မြန်မာပြုထားတဲ့ ဆော့ဖ်ဝဲရဲ့ Screenshot ပုံလေးကို တွဲတင်ပေးလိုက်ပါတယ်။
အထက်ပါပုံမှာ မြင်ရတဲ့ အတိုင်း Menu bar, title bar, toolbar, status bar အစရှိတာတွေကို မြန်မာလိုမြင်ကြရပါတယ်။ တခြား လုပ်ဆောင်ဖို့ သုံးတဲ့ အရာတွေကို လည်း မြန်မာဘာသာ နဲ့ တွေ့ရပါတယ်။
ကျွန်တော် ဒီကောင်ကို သုံးတာ ဒါ ပထမဆုံး အကြိမ်ပါ။ နည်းပညာပိုင်းဆိုင်ရာ အားသာချက်၊ အားနည်းချက်များကို မလေ့လာရသေးသဖြင့် မဆွေးနွေးနိုင်ပါ။ သို့ရာတွင် ၎င်း၏ ကောင်းကျိူးများကိုတော့ ခန့်မှန်းကြည့်မိပါတယ်။
၁။ ဆော့ဖ်ဝဲ တခုလုံး မြန်မာမှု ပြုထားသဖြင့် မြန်မာများ စာစီ၊စာရိုက် နဲ့ တခြားအရာများကို လွယ်ကူစွာ သင်ယူလေ့ကျင့်နိုင်ခြင်း။
၂။ ၎င်းမှ အခြေခံ၍ တခြား ဆော့ဖ်ဝဲများကိုပါ (ဥပမာ - Microsoft Office) မြန်မာမှု ပြုလာနိုင်ပါက ပို၍ အကျိူးများနိုင်ခြင်း။
၃။ ထို့ထက်တဆင့်ပိုတက်၍ မြန်မာများရေးသော မြန်မာဆော့ဖ်ဝဲများ ဖန်တီး ထုတ်ဝေလာနိုင်ခြင်း။
စတ့ ကောင်းကျိူးများ မြင်မိပါသည်။
အနာဂတ် ကွန်ပျူတာ ပရိုဂမ်ဆိုင်ရာ နည်းပညာ တိုးတက်ရေးအတွက် အထောက်အကူ ပြုသည်ဟု ထင်မြင်မိပါသည်။
စမ်းသုံးလိုသူများ အပေါ်တွင် ဖော်ပြခဲ့သော ၀ဘ်ဆိုက်ဒ် စာမျက်နှာတွင် ဆော့ဖ်ဝဲကို လမ်းညွှန်နှင့်တကွ ဒေါင်းနိုင်ကြပါကြောင်း..။
ကောင်းတမန် (သီရိကုက္ကို)
တကယ်ဆို.
မင်းက ပန်းလေးတပွင့် နဲ့ တူတယ်…။
ဒါဆို.
ကိုယ်ကတော့ ပျားလေးတကောင်ပေါ့။
နိယာမက..
အဲဒီပန်းလေးရဲ့ ၀တ်မှုံတွေကြောင့်
အဲဒီပျားလေးကို အသက်ဆက်ခွင့်ပေးတယ်….။
အဲဒီနိယာမအရပဲ..
အဲဒီပျားလေးရဲ့ ကြိုးစားသယ်ယူမှုကြောင့်
အဲဒီပန်းလေးလည်း ၀တ်မှုံကူးနိုင်တယ် မဟုတ်လား..။
စဉ်းစားကြည့်ရင်
ပန်းမရှိလို့ ပျားမဖြစ်သလို၊ ပျားမရှိလည်း ပန်းမဖြစ်နိုင်ဘူးလေ..။
အဲဒီလိုပါပဲ
တယောက်မရှိလို့ တယောက်မဖြစ်တဲ့ အချစ်နဲ့
ကိုယ်တို့ ချစ်ခဲ့ကြပြီးသလို
ကိုယ်တို့ဆက်ချစ်နေသမျှ ဘာလိုသေးလဲလို့ ပြောပါရစေ ချစ်သူ…။
တခါတလေကျ
ပျားလေးက ပန်းလေးဆီမှာ အမြဲရှိမနေနိုင်သလို
တခါတလေလည်း
ပျာလေးလာတိုင်း ပန်းလေးမှာ ၀တ်မှုံပြည့်နေမှာ မဟုတ်ဘူးနော်။
တခါတခါကျ
မုန်တိုင်းထန်ရင် ပန်းလေရဲ့ ပွင့်အိမ်ထဲမှာ
ပျားလေကို ခိုလှုံခွင့်လည်းပေးသေးတယ် မဟုတ်လား။
တခါတရံဆို
ပိတုန်းတွေ ပန်းလေးကို လာတွယ်ဖို့ ကြိုးစားရင်
ပျားလေးက ကာကွယ်ပေးတတ်သေးတယ်နော်..။
ဘာပဲဖြစ်ဖြစ် ပန်းလေးမင်းက
ပျားလေးကိုယ့်အတွက် ၀တ်မှုံတွေ ၀ှက်ထားပေးဆဲပဲဆိုရင်
ကိုယ်ကျေနပ်ပါပြီ..။
ဒါပေမယ့် မင်းတခုတော့ သိထားစေချင်တယ်..
အချိန်တန်လို့ ကိုယ်ပြန်လာပြီဆိုရင်
ကိုယ့်ရဲ့ နောက်ဆုံးပျံသန်းမှုလားရာက
ဟို..အဝေးက ကိုယ့်ပန်းလေး မင်းဆီကိုယ်ပါပဲ ချစ်သူ..။
©ကောင်းတမန် (သီရီကုက္ကို)
စင်္ကာပူစံတော်ချိန် ၁ နာရီ ၄၅ မိနစ်
၂၀၀၉-၀၅-၀၁
ဘ၀ဆိုတာ
ကိုယ့်ခြေထောက်နဲ့ ကိုယ်
တက်ရတဲ့ ရိုးရိုးလှေခါးပါ။
တခါတလေမှာ
အဲဒီလှေခါးကို
ကိုယ်ကိုယ်တိုင်ပဲ
ရိုက်ချိူးဖူးကြတယ်။
တခါတလေမှာ
အဲဒီလှေခါးကို
ကိုယ်ကိုယ်တိုင်ပဲ
တည်းတည်းလေး
ချိတ်ထားတတ်သေးတယ်။
ဘယ်လိုပဲ ဖြစ်ဖြစ်
ချိတ်မိဖို့က အဓိကပါပဲ။
ကျိူးသွားတဲ့ လှေခါး
မချိတ်မိတဲ့ လှေခါး
တည်းတည်းလေး ချိတ်မိနေတဲ့ လှေခါး
ဘယ်လို လှေခါးဖြစ်ဖြစ်
တခါ ဖြစ်ဖူးသွားရင်
နောက်ထပ် အဲလိုမကြုံရအောင်
လုပ်ရဦးမယ်။
ဘာဖြစ်လို့လဲ ဆိုတော့
အဲဒီ ဘ၀ ဆိုတဲ့
ရိုးရိုး လှေခါးကို
ဥာဏ်၊ ၀ီရီယ နဲ့ လုံ့လ ဆိုတဲ့
ကျူပ်တို့ ခြေထောက်တွေနဲ့ တက်ပြီး
အောင်မြင်မှု ဆိုတဲ့ ပန်းတိုင်ကို
ကျူပ်တို့ ဆွတ်ခူးရဦးမှာ မို့ပါ။
ဒါပေမယ့်
ကျူပ်တို့ဟာ
ကျူပ်တို့ကိုယ်တိုင် ယုံတယ်၊
အဲဒီ လှေခါးကို တက်ကျော်နိုင်ရမယ်လို့။
ဘာပဲဖြစ်ဖြစ်
ဘ၀ဆိုတာ
ကိုယ့်ခြေထောက်နဲ့ ကိုယ်
တက်ရတဲ့ ရိုးရိုးလှေခါးလေးတခုပါ။
အိုင်ဒီယာ
သိင်္ဂီသက်
အသက်သွင်းသူ
ကောင်းတမန်
ဘီလ်ဂိတ် တယောက် သေဆုံးလို့ ဘ၀ကူးဖို့ရန် သိကြားမင်း နဲ့ တွေ့နေပါတယ်။
သိကြားမင်း။ ။ ကောင်းပြီ။ ဘီလ်ဂိတ် မင်းကို နတ်ပြည် ပို့ရမလား၊ ငရဲပြည်ပို့ရမလားဆိုတာ ငါတောင် ဆုံးဖြတ်ရ တော်တော်ခက်နေတယ်ကွ။ မင်းက ကွန်ပျူတာပညာနဲ့ တကမ္ဘာလုံးကို အကျိူးပြုခဲ့လို့ အိမ်တိုင်းနီးပါးလည်း ကွန်ပျူတာတွေ နဲ့ ဖြစ်နေပြီ။ အံ့မခန်းဖွယ်ရာ အစွမ်းရှိတဲ့ Windows ဆိုတာလည်း ထွင်ပေးခဲ့သေးတယ်။ ဒီတော့ ငါလည်း မင်းအတွက် ငါ အရင်တစ်ခါမှ မလုပ်ဖူးသေးတာ လုပ်ပေးချင်တယ်။ ဒီတော့ မင်း ဘယ်ပြည်ကို သွားမလဲ ဆိုတာ မင်းစိတ်ကြိုက် ရွေးချယ်ခွင့်ပေးတယ်ဗျာ။
ဘီလ်ဂိတ်။ ။ ငရဲပြည် နဲ့ နတ်ပြည် ဘာကွာလို့လဲဗျ။
သိကြားမင်း။ ။အကောင်းဆုံးကတော့ မင်းကိုယ်တိုင် အဲဒီပြည်နှစ်ခု ကို အစမ်းကြည့်ပြီးမှ ဆုံးဖြတ်ချက်ချသင့်တယ်။ ကဲလာ..ပြောနေကြာတယ်..ငါတို့ ငရဲပြည်ကို အရင် သွားကြည့်ရအောင်။
ဘီလ်ဂိတ်လည်း အလွန်မတန် အံ့အားသင့်ရပြီလေ။ လား…..လား….သူပထမဆုံးမြင်ရတာက သဲဖြူဖြူတွေ ထူထပ်ပြီး အင်မတန် ကြည်လင်သန့်စင်နေတဲ့ ပင်လယ်ကမ်းစပ်တွေ အနားသတ်ထားတဲ့ အပြာရောင် ပင်လယ်ပြင်ကြီးက တမျှော်တခေါ်ပဲ။ အဲဒီ ကမ်းခြေတွေမှာ ထောင်သောင်းချီတဲ့ မဒီ လန်းလန်းလေးတွေ ရေကစားရင်း ရယ်လို့ မောလို့၊ ပင်လယ် စားသောက်စာတွေလည်း ပေါပါဘိသနဲ့။ နေကလည်း သာပြီး အပူချိန်က လည်း သမလို့။ အားလုံးဟာ အင်မတန် ပြည့်စုံပြီး အားရစရာတွေချည်းပဲ မြင်နေရသတဲ့။
ဘီလ်ဂိတ်။ ။ ငရဲပြည်တောင် ဒီလောက် လန်းနေတာ…။ကျူပ် နတ်ပြည်ကို ကြည့်ချင်လွန်းလို့ ထိန်းတောင် မထိန်းနိုင်တော့ဘူးဗျာ။
သိကြားမင်း။ ။ ကဲလာ…။ ဒါဆို လည်း နတ်ပြည်တက်ကြည့်ကြတာပေါ့။
ဘီလ်ဂိတ်လည်း အဖြူရောင် တိမ်ထူထူတွေနဲ့ လှပလွန်းတဲ့ ကောင်းကင်ပြာတခုလုံးရဲ့ ထောင်ပေါင်းစုံမှာ နတ်သမီးပျိူတွေ စောင်းတီးပြီး သီချင်းဆို နေတာ တွေ့သတဲ့။ သူ့စိတ်ထဲမှာ နတ်ပြည်ဟာ သာယာပါတယ်။ ဒါပေမယ့် သေချာတာက ငရဲပြည်လောက် မလန်းဘူးလို့ တွေးတောနေမိတယ် တဲ့။ ဒါကြောင့် ထွေထွေထူးထူး စဉ်းစားမနေပဲ…
ဘီလ်ဂိလ်။ ။ သိကြားမင်းကြီး……..ကဲ ကျူပ်ကို ငရဲပြည်ကိုပဲ အခုမနှေး အမြန်ပြေးခွင့်ပြုပါတော့။
လို့ပြောတော့..။
သိကြားမင်း။ ။ ကဲ မင်းစိတ်ဆန္ဒအတိုင်း ရောက်စေ။
လို့ပြောပြီး ငရဲပြည်ကို ပို့ပေးလိုက်သတဲ့။ နောက်နှစ်ပတ်အကြာမှာ သိကြားမင်းကြီးက သန်းကြွယ်သူဌေးဟောင်း ကွန်ပျူတာ ပညာရှင်ဟောင်းကြီး အဆင်ပြေမပြေ ငရဲပြည်ဆင်းပြီး အကဲလာခတ်သတဲ့။ အဲဒီ အချိန်မှာ ဘီလ်ဂိတ်ဟာ အလွန်ပူပြင်းတဲ့ မီးတောက် တွေကြား အော်ရင်း ငြီးရင်း နဲ့ ပူလောင်လွန်းတဲ့ ကျောက်ဂူ နံရံရဲရဲတွေပေါ်မှာ တောက်တက်ကပ်သလို တွယ်ကပ်နေရသတဲ့။ ပြီးတော့ ငရဲသားတွေကလည်း မီးခရင်းဂွတွေနဲ့ သူ့ကို ၀ိုင်း ထိုးပြီး သွေးသံ တရဲရဲ ဖြစ်အောင် နှိပ်စေနေသတဲ့။
သိကြားမင်း။ ။ဟေ့ကောင်.. ဘီလ်ဂိတ်..။ မင်း နေရတာ အဆင်ပြေလားကွ။ဘီလ်ဂိတ်။ ။ ခင်ဗျားပဲ လာခံစားကြည့်ပါ့လားဗျာ။ ဒီလောက် ပူပြင်းဆိုးရွားနေတာ…….ဘာအဆင်ပြေရမလဲ…….။ ကျူပ်မျှော်လင့်ထားတာနဲ့ တော့ တခြားဆီပဲ……။ ဒါနဲ့ ငရဲပြည်က ဘာဖြစ်လို့ ကျူပ်ရောက်မှ ပြောင်းလဲသွားရတာလဲ။ ကျူပ်မလာခင် မြင်တာကတော့ လှပတဲ့ ကမ်းခြေတွေမှာ လန်းလန်း…လန်းလန်းနဲ့ မဒီတွေ ရေကစားနေကြတာလေဗျာ။
သိကြားမင်း။ ။ အို့………ဘီလ်ဂိတ်……..။ အဲဒါ ခင်ဗျား ထွင်ခဲ့တဲ့ Screen Saver လေဗျာ.။
မှတ်ချက်။ ။ နိုင်ငံခြားဟာသ ကို အဓိပ္ပာယ် ပြန်ဆိုပါသည်။
စစ်သားလေး တယောက်ဟာ တပ်ထဲက လမ်းပေါ်မှာ တွေ့သမျှ စာရွက်မှန်သမျှကို ကောက်ပြီး ဖြန့်ဖတ်ကြည့်လိုက်၊ ပြန်လွှင့်ပစ်လိုက်နဲ့ အလုပ်ရှုပ်နေသတဲ့။ ပါးစပ်ကလည်း
“ငါလိုချင်တာ ဒီစာရွက် မဟုတ်သေးပါဘူး”
လို့ စာရွက်တရွက် ဖတ်ပြီးတိုင်း ညည်းညူ နေသတဲ့။
တပ်ထဲက လမ်းတကာလှည့်ပတ်သွားရင်း သူအဲလို အချိန်အတော်ကြာ ထူးဆန်းစွာ ပြုမူနေတာ ဗိုလ်ကြီး တဦး တွေ့သွားပြီး သူ့ကို စိတ်ပိုင်းဆိုင်ရာ စစ်ဆေးဖို့ စီစဉ်ပေးလိုက်သတဲ့။ စိတ်ပညာဆရာဝန်က စစ်သားလေးဟာ စိတ်ဖောက်ပြန်ယိုယွင်းနေတာ သေချာနေလို့ စစ်တပ်မှ အနားယူခိုင်းဖို့ ဆေးစာတစ်စောင် ရေးပေးလိုက်တယ်တဲ့။
ဒီတော့မှ စစ်သားလေးက သဘောကျစွာ ပြုံးပြီး
“အင်း ငါလိုချင်တာ ဒီစာရွက်ပဲကွ “
လို့ ကြုံးဝါးပြီး စစ်တပ်ကနေ အပြေးထွက်ခွားသွားသတဲ့။
သင်ခန်းစာ။ ။ ဘ၀မှာ မည်သို့သော အခြေအနေမှ မဆို မိမိလိုချင်တာ ရရန် နည်းလမ်းများစွာ ရှိသည်။ မိမိသာ အမြင်ကျယ်၍ ဦးနှောက်ကို လွှာသုံးရန် လိုအပ်ပေသည်။
တပ်လှန့်ခြင်း သို့ သတိပေးခြင်း
မြတ်ဗုဒ္ဓဟာ
သတ္တ၀ါအားလုံးရဲ့ အမြင့်မြတ်ဆုံးဖြစ်တဲ့
ဘုရားအဖြစ်ကို
ပရမတ္ထတရားနဲ့ ရောက်တော်မူခဲ့တယ်။
သတ္တ၀ါတွေကို
ကမ္ဘာလောကကို
ခုထက်ထိ စစ်မှန်တဲ့ တရားဓမ္မ နဲ့
အေးမြ နေစေခဲ့တယ်။
Richard Bach ရဲ့
Jonathan Livingston Seagull ဟာ
ဘယ်ငှက်မှ မပျံသန်း မရောက်ရှိဘူးတဲ့
ထူးကဲတဲ့ ဘုံတွေ၊ အမြင့်တွေကို
တကိုယ်ရေ ပြည့်စုံခြင်း နဲ့အတူ
တောင်ပံအပျက်ခံပြီး ပျံတက်ခဲ့ဖူးတယ်။
Hemingway ရဲ့
အဘိုးအိုဟာ
သာမန်လှေနဲ့ မရောက်နိုင်တဲ့
ပင်လယ်ပြင် ဟိုး အနက်နဲဆုံး နေရာမှာ
ဘယ်တံငါလောကမှာမှ မရဘူးတဲ့
ဧရာမ ငါးကြီးကို
အဘိုးအို တယောက်တည်းရဲ့
အင်းအားနဲ့ အမိဖမ်းပြီး
ကမ်းအထိလည်း သယ်လာခဲ့ဖူးတယ်။
Eleanor Porter ရဲ့
ပေါ်လီယာနာဟာ
မိဘမဲ့ကလေး ပေမယ့်
The Glad Game လို့ခေါ်တဲ့
ဘယ်လောက်ဆိုးနေတဲ့အရာက မဆို
အကောင်းတွေ ပျော်စရာတွေရှာတဲ့
လမ်းစဉ်ကို သူထွင်ခဲ့တယ်။
သေချာစဉ်စားတော့
ဗုဒ္ဓဘာသာရဲ့ အဆုံးအမ တချိူ့ နဲ့
ထပ်တူကျနေတာ တွေ့ရပြန်တယ်။
Lab ပစ္စည်းတွေ သိပ်မရှိသေးတဲ့
ခေတ်မှာ ဦးနှောက်ဆိုတဲ့
အထိရောက်ဆုံး Lab ကို သုံးပြီး
ထူးခြားတဲ့ သိပ္ပတွေ့ရှိချက်တွေကို
Newton လို၊ Einstein လို သိပ္ပံပညာရှင်တွေက
ရှာတွေ့ခဲ့တာတောင်
နောက်လူတွေက Lab ရှိပါရဲ့
မှီအောင် မနည်း တွေးယူကြရတယ် ဆိုပဲ။
ဒါတွေ အားလုံးကို အနှစ်ချူပ်တော့
လူ၊ငှက်၊သတ္တ၀ါ၊ ဘယ်ဟာမဆို
တစ်ဦးချင်းစီမှာ
သူမတူတဲ့ ထူးခြားတဲ့ ၀ိသေသ၊
စိတ်၊ဥာဏ်၊ပါရမီ ရှိကိုရှိကြတယ်လေ။
အဲဒီတော့
ငါတို့ဟာ
ငါတို့ကိုယ်တိုင်လည်း တနေရာရာမှာ
ကြီးကျယ်မြင့်မြတ်နေတယ်။
တနေ့နေ့မှာ ထူးခြားပြောင်မြောက်တဲ့
အောင်မြင်မှုတခုခု
ရကို ရမယ်လို့
ယုံကြည်ချက်၊မျှော်လင့်ချက် ထားရမလို
သူများတွေ အပေါ်မှာလည်း
ထိုနည်းလည်းကောင်းပဲ ယုံကြည်မျှော်လင့်ချက် ထားရမယ်။
ဘာဖြစ်လို့လဲ ဆိုတော့
ဒီကမ္ဘာကြီးဟာ
မတူညီတဲ့ စွမ်းအားတွေနဲ့
တူညီအောင် ဖွဲ့စည်းထားလို့ပါပဲ။
ပြီးတော့ တန်းတူရည်တူရှိမူကို အလေးထားသလို
သဘာမတူဖို့လဲ သဘောတူတတ်ရမယ်။
အဲဒီလိုမှာသာ မတူညီတဲ့
တစ်သီးပုဂ္ဂလ အောင်မြင်မှုတွေက
ကမ္ဘာ့လူသားတွေအတွက်
ကြီးမားတဲ့ အောင်မြင်မှု
အေးချမ်းမှု အသွင် ဆောင်လာနိုင်မှာ ဖြစ်ပါတယ်။
ဒါပေမယ့် ငါတို့ မမေ့ရမှာက
သိပ္ပံ ပညာနဲ့
ဗုဒ္ဓလမ်းစဉ်ဟာ
ဆုံမှတ် တခုတည်း ဖြစ်တဲ့နေ့ ရောက်အောင်
ငါတို့ ကြိုးစားရမယ် ဆိုတာပါပဲ။
ကောင်းတမန်
ဘ၀တကွေ့ကွေ့မှာ
လူ့ဘ၀အတွက် အကြီးမားဆုံးတိုက်ပွဲတွေနဲ့အတူ
လောကဓံက သင့်ကို
ထိုးနှက်တတ်တယ်။
အဲဒီထိုးနှက်ချက်ဟာ
သင့်ဘ၀ကို လဲပြိုသွားစေနိုင်သလို
ကဲပိုလာတဲ့ အင်အား
ခိုင်မာတဲ့ သန္နိဌာန်
ပြတ်သားတဲ့ စိတ်နှလုံးနဲ့အတူ
အမှတ်ထားလောက်အောင်
ကြီးမြတ်တဲ့ အောင်မြင်မှုတွေကိုလည်း
ပေးတတ်တယ်။
ဒါပေမယ့်
အဲဒီလိုအချိန်မှာ
လဲပြိုမလား
အောင်မြင်မလားဆိုတာ
သင့်အပေါ်မှာပဲ မူတည်နေပါတယ်။
လောကဓံကို မတုန်လှုပ်ပဲ
သမာဓိကို ခိုင်ခိုင်ထား
သင်ကြိုးစားနေသရွေ့
သင့်အတွက်
အောင်မြင်မှုဟာ
၅၀ % တော့ သေချာနေပါပြီ။
သို့ပေမယ့်
အဲဒီလို သင်ရိုးကုတ်ဖို့
သင့်တိုက်ပွဲကာလမှာ
နားလည်တတ်တဲ့ မျက်ဝန်းတွေ
ဖေးမတတ်တဲ့ လက်ကလေးတွေ
အားပေးတတ်တဲ့ စိတ်အင်အားတွေ
မညည်းညူတတ်တဲ့ အနွံတာခံမှုတွေ နဲ့
အပြန်အလှန် အရိပ်တကြည့်ကြည့်နဲ့
အကောင်ဖောက်ပေးမယ့်
လူ့အသိုက်အမြုံလေးလဲ
သင့်ဘေးမှာ ရှိနေဖို့ လိုသေးတယ်။
ဒါဟာ သင့်အောင်မြင်မှုအတွက်
ကျန်နေသေးတဲ့
၅၀ % ပါပဲ။
သူငယ်ချင်းအပေါင်းတို့
ငါ့အတွက်တော့
အဲဒီလူ့အသိုက်အမြုံလေးဟာ
ဘယ်သူတွေလဲဆိုတာ
ပြောဖို့လိုမယ် မထင်ပါဘူး။
မင်းတို့ရဲ့ နွေးထွေးမှုအတွက်
ဖေးမမှုတွေ အတွက်
မဖော်ထုတ်တတ်မှုတွေအတွက်
ဒီနေ့မှာ ငါဖော်ထုတ်ပါရစေ။
မင်းတို့အားလုံးကို
လှိုက်လှိုက်လှဲလှဲ ကျေးဇူးတင်ပါရစေ။
ငါ့ဘ၀တိုက်ပွဲ အမြင့်ဆုံးအချိန်မှာ
မင်းတို့အားလုံးရဲ့
ဖေးမနားလည်မှုတွေကို
ဘယ်တော့မှ မမေ့နိုင်တော့သလို
မနက်ဖြန်တိုင်းမှာ ငါ့ဘက်က တာဝန်ကျေနေအောင်လည်း
ဒီနေ့တိုင်းမှာ ဆက်လက်ကြိုးစားသွားမယ်လို့
ကတိက၀တ်လည်း ပြုပါရစေ။
နောက်နောင်ဘ၀တွေမှာလည်း
ခုလို မိတ်ဆွေသင်္ဂဟာကောင်းတွေနဲ့
အကြောင်းရေစက်ပါကာ
နှောင်းသံသရာမထပ်ရအောင်
မဂ်ဖိုကိုလည်း
အတူတူ ကူးကြရဖို့
ဆုပန်ပါရစေ။
အမှားများရှိခဲ့ရင်လည်း
ခွင့်လွှတ်ကျေအေးဖို့
တောင်းပန်ပါရစေတော့။
ကောင်းတမန်...
ဘိုးတော် (အသက်ကြီး ဂေါ်မစွံ) တယောက်ဟာ အရက်ဆိုင်ဝ တခု အရောက်မှာ မထင်မှတ်ပဲ ရေရေလည်လည် လန်းတဲ့ မဒီ ပန်း တပွင့်ကို တွေ့တော့….။
ဘိုးတော်။ ။ ဟာ…..ညီမလေး။ လန်းလှချည့်လား…….။ ဘာကြောင့် ဒီလောက်လှနေတာလဲ။
ဆိုပြီး ကျူတော့တာပေါ့။
ဒီတော့ မဒီလည်း ရေရေလည်လည် နှိပ်ကွပ်ဖို့
မဒီ။ ။ ကျမ ရှင်နဲ့ ဒီညမလိုက်နိုင်ဘူး။ ဘာတွေ လာပြောနေတာလဲ။ ကျမက ရှင်ခေါ်တိုင်း လိုက်စရာလား။
ဆိုပြီး အရက်ဆိုင်ထဲက လူကုန်ကြားအောင် အော်ဟစ်သတဲ့။
ဘိုးတော်လည်း ရှက်ကိုးရှက်ကန်း ဖြစ်ပြီး စိတ်ညစ်ညစ် နဲ့ အရက်ဆိုင်ထဲ အပြေးဝင်ပြီး ထောင့်စားပွဲမှာ အရက်တစ်လုံးမှာပြီး အေးအေးဆေးဆေး နှပ်နေလိုက်တယ်တဲ့။ ခဏ နေလို့ ဘိုးတော် မမူး တမူး ဖြစ်နေချိန်မှာ စောစောက လန်းတဲ့ ပန်းက သူ့စားပွဲ ရှေ့ ရောက်လာပြီး..
မဒီ။ ။ အကို…။ ကျမကို စိတ်မဆိုးပါနဲ့ရှင်။ ကျမ တောင်းပန်ပါတယ်။ အမှန်တကယ်က ကျမက စိတ်ပညာကျောင်းသူ တယောက်ပါ။ လူတယောက်ဟာ လူအများရှေ့ မှာ အရှက်တကွဲ ဖြစ်ရင် ဘယ်လို တုန့်ပြန်သလဲ ဆိုတာ သုတေသန လုပ်ချင်တဲ့ အတွက် စောစောကလို အကို့ ကို ပြောမိတာပါ။ ကျမ တကယ် တောင်းပန်ပါတယ်ရှင်……။
လို့ တောင်းပန် သတဲ့။
ဒီတော့ ကျူပ်တို့ ဇာတ်လိုက် ဘိုးတော် ပြန်ပြောလိုက်ပုံက…………။
ဘိုးတော်။ ။ ဘာကွ။ နှစ်သောင်း ဟုတ်လား………။ မင်းက များ နှစ်သောင်းတောင်းတယ်။ နှစ်သောင်းတည်းဆိုလဲ မင်းလို ကောင်မလေးကို ငါ ညအိပ် မခေါ်နိုင်ဘူး…။
ဟူသတတ်။
မှတ်ချက်။ ။ နိုင်ငံရပ်ခြား ဟာသ ကို အဓိပ္ပာယ် ပြန်ဆိုပါသည်။
နိုင်ငံရေးသမားတွေ အပြည့် သယ်ဆောင်လာတဲ့ ဘတ်စ် ကား တစ်စင်းဟာ လှပတဲ့ ဘိုလီးဘီးယား သဲကန္တာရ ကို ချဉ်းကပ်စ ပြုလာပါပြီ။ ဘိုလီးဘီးယား နိုင်ငံရဲ့ ရှုခင်းတွေဟာ ဘယ်လောက်များ လှပသလဲဆိုရင် ဘတ်စ်ကား မောင်းဆရာဟာ ကားမောင်းနေတယ်ဆိုတာကိုတောင် မေ့မြောရတဲ့ အထိ် ရှုခင်းတွေကို တအံ့တသြ ငေးမောနေမိပါတယ်။ ဒီလိုနဲ့ ကားဟာ တောင်ခြေတ၀ိုက်မောင်နှင်းနေရင်း တောင်စောင်းကို နေ၀င်ပြီးခါစ မှာ ၀င်တိုက်မိပြီးမှောက်ပါတော့တယ်။ ကားပေါ်က နိုင်ငံရေးမားတွေလည်း သေတချိူ့၊ ဒဏ်ရာပြင်းထန် တဲ့လူ တချိူ့ နဲ့ ဒုက္ခရောက်နေကြပါတော့တယ်။ ဒီလိုနဲ့ အနီ်းချူပ်စပ် ရွာက တောင်ယာသမားအဘိုးကြီးတယောက်ဟာ အလောင်းတွေကို အကုန် မြေမြုပ်ပေးခဲ့ပါတယ်။ မနက်လင်းတော့ ရဲက အဖြစ်အပျက်ကို စုံစမ်းရင်း အဘိုးကြီးကို မေးပါတော့တယ်။
ရဲ။ ။ အဘိုးကြီး၊ ခင်ဗျား နိုင်ငံရေးသမားတွေ အကုန် မြေမြှုပ်ခဲ့လား။
အဘုိးကြီး။ ။ အင်း…။ အားလုံး မြှုပ်ခဲ့ပါတယ်။
ရဲ။ ။ ဒါဆို အားလုံး အသက်မရှိဘူးဆိုတာ ခင်ဗျား ဘယ်လို သက်သေပြမလဲ။
အဘိုးကြီး။ ။အင်း.။ ဒါက ရှင်းပါတယ်။ တချိူ့က လုံးဝ သေနေပြီ။ တချိူ့က "ကျွန်တော် မသေသေးပါဘူး။ မြေမြှုပ်မပစ်ပါနဲ့" လို့ တောင်းပန်နေတယ်လေ.။
ရဲ။ ။ ဗျာ………………။ ဒါဆို ခင်ဗျား လူအရှင်တွေကို မြေမြှုပ်ပစ်ခဲ့တာပဲ……။
အဘိုးကြီး။ ။ဟာ…ဗျာ……….။ ဘယ်ဟုတ်ပါ့မလဲ။ ခင်ဗျားလဲ သိသားနဲ့..။ နိုင်ငံရေးသမားဆိုတာ ဒီလိုပဲ ညာပြောနေကျ ဆိုတာ………။
မှတ်ချက်။ ။ နိုင်ငံခြားဟာသ ကို အဓိပ္ပာယ် ပြန်ဆိုပါသည်။
Atom Feed (xml)
