မနေ့က...
လမင်းပြိုမှာ စိုးလို့တဲ့
တိမ်တိုက်တွေက ထမ်းထားပေးတယ်။
ဒီနေ့...
တိမ်တိုက် ငိုမှာစိုးလို့တဲ့
နေမင်းက မျက်ရည်တွေကို စုပ်ယူထားပေးတယ်။
မနက်ဖန်...
လမင်းမပြို
တိမ်တိုက်မငို
နေမင်းလည်း မညိုရအောင်
ကျုပ်တို့ ဘာဆက်လုပ်ကြမလဲ.။
( မမျှော်လင့်ပဲ ခိုင်မြဲ၊ကောင်းတမန်၊သနပ်ခါး နဲ့ အိပ်မက်စိမ်းတို့ ခဏ ဆုံကြတုန်း အမှတ်တရ အံ့ကျလာတဲ့ စကားလုံးတွေကို ကောက်ရေးထားလိုက်ကြတာပါ။ )
ပူလောင်ပြင်းပျ
နေမင်းကိုမှ
ခင်မင်ခဲ့ရ
သူ့ဘဝ ...။
ချေက်ဂျီတီအိုင်မှ သူငယ်ချင်း ထွေးပို နှင့် မမာမာသိန်း အား သတိတရဖြင့်ဖေါ်ပြပေးပါသည်။
စိတ်မီးအိမ် ဥယျာဉ်မှူးများခင်ဗျား ...
ကဗျာ ခေါင်းစဉ်အား ကဗျာရှင် မမာမာသိန်းနှင့် ထပ်တူ ခန့်မှန်းနိုင်သူအား စိတ်မီးအ်ိမ်၏
“ ရွှေကလောင်ရှင် ” ဆုချီမြှင့်ပေးပါမည်။
ငါရိုးသားချင်တယ် ...
လှည့်စားမှူလက်ထဲ
ရိုက်ချိုးခံခဲ့ရတဲ့
ငါ့ရဲ့ ...
ပွင့်လင်းမှုတွေကို နှမြောတယ်။
ငါရိုးသားချင်တယ် ...
ဆေးရောင်စုံ စိတ်အစုံထဲ
နစ်မွန်းခြင်းခံခဲ့ရတဲ့
ငါ့ရဲ့ ...
အဖြူရောင် နှလုံးသားကို နှမြောတယ်။
ငါရိုးသားချင်တယ် ...
နောက်ဆုံးတော့
ဆွံ့အသွားတဲ့ နှုတ်ခမ်းအစုံနဲ့
နှလုံးသား တစ်စုံက
သူ့ရဲ့ ...
အရိပ်စစ်ကို တမ်းတရင်း ....
ငါရိုးသားချင်တယ် ...။ ။
၁။ အရှေ့ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
သဗ္ဗတေဇံ သဗ္ဗဂုဏံ။
သဗ္ဗသုခံ လဘတုမေ၊
ဆရဝီ ဆရာ ဆရီဆ ဆာယံ။
ပစ္စဗုဒ္ဓါ မဟာတေဇံ၊
သဗ္ဗညုတာ ဥာဏဝရံ။
သဗ္ဗသတ္တရု သဗ္ဗဘယံ၊
ဝိနဿန္တု အသေသတော။ ။
၂။ မြောက်ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ပဉ္စသတ သဟသာနိ။
ဒွါဒသဉ္စ သဟသာကေ၊
ဂင်္ဂါယံ ဝါဠုကာ စုဏ္ဏေ။
ပရာဇေတွာ မဟာဖုလ္လေ၊
နမာမိ သိရသာမဟံ။
တေသံဓမ္မဉ္စ သံဃဉ္စ၊
အာဒရေန နမာမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၃။ အနောက်ကျွန်း သမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ဒွါဝီသဉ္စ ဣမေဗုဒ္ဓါ။
ဧကတိံသ သဗ္ဗေဗုဒ္ဓါ၊
ဒွတ္တိံသစ မဟာဗုဒ္ဓါ။
ပဉ္စဝီသာ ဗုဒ္ဓါ နတ္တိ၊
တေတ္တိံသ ဗုဒ္ဓါဘာဝနာ။
ဧတေန ဗုဒ္ဓဂုဏေန၊
တေသံဓမ္မဉ္စ သံဃဉ္စ၊
အာဒရေန နာမမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၎။ တောင်ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ဒွါဒသဉ္စ သဟသာကေ။
ပဉ္စသတ သဟသာနိ၊
နမာမိ သိရသာမဟံ။
အပ္ပကာ ဝါဠုကာ ဂင်္ဂါ၊
အနန္တာ နိဗ္ဗုတာ ဇိနာ။
တေသံဓမ္မဉ္စ သံဃဉ္စ၊
အာဒရေန နာမမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၅။ အောင်သမ္ဗုဒ္ဓေ
သမ္ဗုဒ္ဓေ အဌဝီသတိ၊
မမဂစ္ဆဟိ ပုရတော။
ပဉ္စဗုဒ္ဓါ မဟာတေဇော၊
မမသီသေ နိသေသတိ။
ဒိဗ္ဗတီတင်္ခ ရက္ခ န္တု၊
မေ ဇယမင်္ဂလံ အဂ္ဂံ။
သဗ္ဗေပိ မေ နမဿာမိ၊
ဂုဏေ အာပတ္တိ ပုဂ္ဂလေ။
အရိယာနဉ္စ သဗ္ဗေသံ၊
သာဝကာနဉ္စ သဗ္ဗေသော။ ။
မုံရွာမြို့ကိုသွားရင်း မိုးညှင်းဆရာတော်ဘုရားကြီး တည်ထားကိုးကွယ်သော မိုးညှင်းသမ္ဗုဒ္ဓေ စေတီတော်ကိုဝင်ရောက် ဖူးမျှော်ခဲ့ပါသည်။
၎င်းစေတီတော်ကြီးတွင် ဘုရားရုပ်ပွားတော်ပေါင်း(မြ - ရွှေ - ငွေ - စိန် - သီး - ဆောင်း သမ္ဗုဒ္ဓေဘုရားပေါင်း ဟူသော သမိုင်းအလင်္ကာအရ) ၅၈၂၃၆၃ ဆူ ရှိကြောင်း သိရှိရပါသည်။
သူငယ်ချင်းမိတ်ဆွေအားလုံး လိုအပ်ပါက အလွယ်တကူ အသုံးပြုနိုင်ပါရန် စိုက်ပျိုးလိုက်ခြင်းဖြစ်ပါသည်။
ဒီစာကို Select ပေးပြီး အကျယ် ကို ရေးပါ ...
တစ်နေ့မှာ ငယ်ပေါင်းကြီးဖော် သူငယ်ချင်း နှစ်ယောက် တွေ့ဆုံပြီး စကားပြောကြတော့ တစ်ယောက်က မေးတယ်တဲ့ ။ သူငယ်ချင်းရေ ငါတို့တွေ အဘိုးအိုကြီး ဖြစ်မဲ့အချိန်မှာ “ တောအို ” နဲ့ “ မြို့အို ” ဘယ်လိုအိုချင်လဲလို့ မေးလိုက်တယ်တဲ့ ။ အဲ့ဒါနဲ့ ကျန်တဲ့သူငယ်ချင်းက “ တောအို ” နဲ့ “ မြို့အို ” က ဘာကွာခြားလဲဆိုတာ သူ့ကို ပြောပြပါဦးလို့ ဆိုတဲ့အချိန်မှာ အဲ့ဒီသူငယ်ချင်းက ဘယ်လိုရှင်းပြလဲဆိုတော ………့
“တောအို” ဆိုတာကတော့ တောတွေမှာဆိုရင် လူက အသက်ကြီးလာလေ ဘုရားခန်းမှာ ထားပြီးတော့ အလေးအနက်ထား လေးလေးစားစားဆက်ဆံတာ ခံရတယ်ပေါ့။ တခုခုဆုံးဖြတ်စရာ ကြုံလာခဲ့ရင်လည်း လူကြီးကို မေးမြန်းပြီးမှ လုပ်ခိုင်းကြတယ်ပေါ့နော် ။ ဘာဘဲဖြစ်ဖြစ် ရှေ့မှီနောက်မှီ လူကြီးတွေရဲ့ ဆုံးဖြတ်ချက်ကို နာခံကြတော့ နေရာရတယ်တဲ့။
“ မြို့အို ” ဆိုတာကတော့ မြို့မှာ အသက်ကြီးလာလေ ဘေးဖယ်ထားကြလေဘဲတဲ့။ ဘာကြောင့်လဲဆိုရင် မြို့မှာကတော့ တခုခုဆို အသက်ကြီးတဲ့သူက ၀င်ပြောရင်တောင် ပြောင်းလဲတိုးတက်လာတဲ့ ခေတ်အရ အဘ ဘာသိလို့လဲဆိုတာတို့ ၊ အဘတို့ ခေတ်မဟုတ်တော့ဘူးတို့၊ မသိရင် ၀င်မပြောပါနဲ့တို့ ဆိုတာမျိုးတွေနဲ့ ဆက်ဆံတာခံရတယ်တဲ့ ။
ကဲ ဥယျာဉ်းမှူးတွေလည်း ဘယ်လိုပုံစံနဲ့ အိုချင်ကြလဲ ???
မှတ်ချက်။ ။ အရိပ်ကတော့ ငယ်သေးလို့ အဲ့ဒါတွေမစဉ်းစားသေးပါ။ အင်း…….. ကောင်းတမန်၊ ခိုင်မြဲ၊ အနတ္တ တို့ကတော့ ဇရာပြနေပြီလေ ။ မကြာခင် ဘိုးဘိုး တွေဖြစ်တော့မှာဆိုတော့ ကြိုတင်စဉ်းစားထားဖို့ လိုနေပြီနော်…….။ ဟီဟိ အကောင်းနဲ့ သတိပေးတာပါ။
အရိပ်
အလင်းကိုယ်တိုင် မပိုင်ဆိုင်သော်လည်း
အများအကျိုး တဆင့်ပိုးသယ်
လောင်မြိုက်အပူ သူစုပ်ယူပြီး
အေးမြအလင်း ဖြန့်ဝေရင်းဖြင့်
အများကောင်းကျိုး သယ်ပိုးရွက်ဆောင်
ထွန်းပြောင်လှသည့် ငွေလမင်း။
သူ့အလင်းရောင် မျှော်ဆောင်ပွင့်သည့်
ကုမုန္ဒြာပန်း ရေမှာလန်းအောင်
တာဝန်မယွင်း မလင့်ဟင်းဘဲ
သတိဆောင်သည့် ငွေလမင်း။
စန္ဒာလမင်း ထွန်းလင်းပလျှင်
ရေငါးတသိုက် မပျော်ပိုက်ဘဲ
တံငါမုဆိုး ဇွတ်မတိုးအောင်
စွမ်းဆောင်ရှာသည့် ငွေလမင်း။
အများအကျိုး ထိုထိုသယ်ပိုး
အားကျိုးမာန်တက် ရွက်ဆောင်ပေမဲ့
ဖေးမအဖော် မပေါ်သောကြောင့်
တစ်ကိုယ်တည်းလွမ်း မှန်းဆတမ်းတ
နွမ်းလျှဘဝ သနားစရာ
အားငယ်ရှာသည့် ငွေလမင်း။
ဒီစာကို Select ပေးပြီး အကျယ် ကို ရေးပါ ...
ဒီတစ်ယောက်က အချစ်ဦးမို့
တသက်မမေ့နိုင် ဖြစ်ရသည်။
ဒုတိယ တစ်ယောက်က ချစ်စရာလေးမို့
ဆက်ချစ်သွားဖို့ ဆုံးဖြတ်သည်။
ဟောဒီတစ်ယောက်က အပျံစားလေးမို့
လူတွေအားကျအောင် တွဲလိုက်မည်။
ဒီတစ်ယောက်ကျတော့ အပြုံးချိုလေးမို့
သူ့နှုတ်ခမ်းလေးကို စွဲလမ်းသည်။
အဲ့ဒီတစ်ယောက်က တိုင်းရင်းသူလေးမို့
အသံဝဲလေးကို ချစ်မိသည်။
စေ့စပ်ထားတဲ့ ကောင်မလေးက
အိနြေ္ဒရှင်လေးမို့ လက်မလွှတ်ချင်အောင် ဖြစ်ပါသည်။
အထက်ပါ (6) ယောက် ရက်တွေပြည့်လို့
တနင်္ဂနွေ ပိုသေးသည်။
စိတ်ဝင်စားလျှင် လျှောက်လွှာတင်ပါ
တနင်္ဂနွေအားသူ ဖြစ်ရမည်။
ဆူး Love
ကဲ ဘယ်လိုလဲ စိတ်မီးအိမ်မှ ဥယျာဉ်မှူးများအတွက် လျှောက်လွှာလက်ခံပေးရမလား ????
ဒီစာကို Select ပေးပြီး အကျယ် ကို ရေးပါ ...
နှစ်သစ်ကိုကူး
ပျော်မြူးခြင်းနောက်ကွယ်
တိုက်စားခဲ့အချိန်တွေရယ်
ပျက်သုဉ်းခဲ့တဲ့နုပျိုခြင်းတွေရယ်
ပြန်မရတဲ့နှောင်းအတိတ်တွေရဲ့နောက်ကွယ်
Happy NewYear ကိုကြောက်ရွံလိုလာခဲ့ပြီလေ---------------
ရှေးခေတ်ဘုရင်းတွေက ခေါ်ရင်ပြောရင် ဘုရားဆိုပြီးပြန်ထူးတဲ့အလေ့အကျင့်က အခုနောက်ပိုင်း မင်းအဆက်ဆက်ထိအောင် ပါလာတယ်ဆိုပဲ။ အဲဒီလိုဘာကြောင့် ထူးရတာလဲဆိုရင် အစက အုပ်ချုပ်ရေးစနစ်မှာ ဘုရင်စနစ်မထွန်ုးကာခင်ကပေါ့ သူ့အဖွဲ့၊ ကိုယ့်အဖွဲ့ နဲ့ စုစုပြီး နေလာလိုက်တာ နောက်ဆုံး အခက်အခဲတွေ၊ ပြဿနာတွေဖြစ်လာတဲ့ အခါမှာ ဦးဆောင်ပြီး ဖြေရှင်းပေးတဲ့သူကို သူတို့က ဦးစီးဦးဆောင်အဖြစ်၊ ရှင်ဘုရင် အဖြစ် တင်မြှောက် ကြတာပေါ့လေ။ ဒါပေမယ့် အဲဒီပုဂ္ဂိုလ်တွေက လက်မခံဘူး ဖြစ်နေကြတယ်တဲ့။ ဘာဖြစ်လို့လဲဆိုတော့ သူတို့ဟာ ဘုရားဆုပန်ပြီး ပါရမီဖြည့်ကျင့်နေကြတဲ့သူတွေဖြစ်နေလို့ မလို့ပဲ။ တကယ်လို့သူတို့ဟာ ဘုရင်တင်မြှောက်မှုကို လက်ခံလိုက်ရင် လုပ်ငန်းတွေက အရမ်းများပြီး ပါရမီဖြည့်ရမယ့်အကြောင်းတွေ၊ ဘုရားဆုပန်ထားတာတွေကို မေ့လျှော သွားနိုင်တယ် ဆိုပြီ လက်မခံကြဘူးတဲ့။ ဒါပေမယ့် အခက်အခဲတွေ၊ ပြဿနာတွေ ဖြစ်လာလိုက်ရင် သူတို့ပဲ ဦးစီးဦးဆောင်ဖြေရှင်းပေးကြရတာပဲတဲ့။ သူတို့ရဲ့ လက်ရုံးရည်၊ နှလုံးရည်ကို ဘယ်သူမှ မမီကြဘူးတဲ့လေ။ နောက်ဆုံးမှာ သူတို့ကို တောင်းပန်ပြီး မင်း လုပ်ဖို့ပြောကြရတာပေါ့။ ရှင်ဘုရင်လုပ်တဲ့အခါမှာလဲ သူတို့ဘုရားဆုပန်ထားတဲ့ အကြောင်းကို မမေ့မလျှော့အောင် သတိပေးကြမယ်ပေါ့။ ဘယ်လိုသတိပေးကြမလဲဆိုရင် သူတို့ကို ခေါ်ဆိုတဲ့အခါမှာ ဘုရား ထူးပြီး သတိပေးမယ်ဆိုပြီး ဂတိခံလိုက်ကြတယ်။ တကယ်လည်း ခေါ်ဆိုတဲ့အခါမှာ ဘုရား ဆိုပြီး သတိလည်းပေးရင်း ပြန်လည်းထူးရင်း ကနေပြီး နောက်ပိုင်းမှာ ရှင်ဘုရင်အဆက်ဆက်ကို ဘုရားထူးရတာတွင်သွားသတဲ့။
အဲဒီအကြောင်းလေးကိုတွေးပြီး သူငယ်ချင်းတွေဆုံဖို့ စိတ်မီးအိမ်ဆိုတဲ့ ဥယျာဉ်လေး တည်ဆောင်လိုက်တဲ့အခါမှာ ဘယ်လိုသစ်ပင်မျိုးကို စိုက်သင့်လည်းလို့ စဉ်းစားလိုက်တဲ့အခါ အရင် Google group မှာတုန်းက တချို့သူငယ်ချင်းတွေက ပို့စ်တွေဘာလို့မတင်ဖြစ်တာလဲ ဆိုတော့ မအားလို့တဲ့။ သူငယ်ချင်းတွေ မအားဘူးဆိုတာကို သိတော့သိပါတယ်။ ဒါပေမယ့် နွေးနွေးထွေးထွေး နေချင်တဲ့ဆန္ဒကြောင့် နည်းနည်း အချိန်ပေးစေချင်မိတာပေါ့လေ။ ဟုတ်တော့လည်း ဟုတ်ပါတယ် သူတို့လုပ်နေတာနဲ့ နှိုင်းစာကြည့်ရင် အနတ္တ အလုပ်လုပ်တယ် ဆိုတာက ကြက်ပျောက်ငှက်ပျောက် ပျောက်သွားတော့တာကို။ အဲဒီတော့ မအားတဲ့ သူငယ်ချင်းတွေကို သတိလည်းပေးရင် ကိုယ်လည်း သတိဝင်လာနိုင်တယ် သစ်ပင်လည်းစိုက် ဖြစ်တယ်ဆိုပြီတော့ ဘာသာရေးနဲ့ပါတ်သက်တဲ့ အကြောင်းလေးတွေကို စိုက်ပျိုးဖို့ စိတ်ကူးပြီး အနတ္တ သိသလောက်ကလေး စိုက်ပျိုးလိုက်တာပါ။ တကယ်တော့ အနတ္တလည်း ဘာသာတရားကို နှစ်နှစ်ကားကား၊ နက်နက်ရှိင်းရှိင်း ယုံကြည်မိတာလေးပဲရှိပါတယ်။ ဘာမှဟုတ်တိပတ်တိ မလုပ်ဖြစ်ပါဘူး။ မအားမလပ်တဲ့ သူငယ်ချင်းတွေ အနတ္တ ရေးထားတာကို ဖတ်ပြီး သတိလေး ဝင်လာတယ်ဆိုရင် အနတ္တ ဘုရားထူးရကျိုးနပ်ပြီပေါ့။
ဒီစာကို Select ပေးပြီး အကျယ် ကို ရေးပါ ...
အမှတ်တရ
နှောင်ကြိုးတွေမသီမှီ မခင်ခဲ့ရရင်ဖြင့်
ရင်ထဲဝေဒနာ မခံစားရတော့ဘူးပေါ့
ခုတော့ရင်မှာ
ဖြတ်လို့မရ သံယောဇဉ်တွေ
တွယ်ခဲ့ပြီးကာမှ
ခွဲကြရမယ်ဆိုတော့
သူငယ်ချင်းရယ်
ရင်ထဲဝေဒနာ ကြေငြာလို့တော့မပြချင်ဘူး
ဒါပေမယ့်လေ
ရင်ထဲမှာတော့ ကျွမ်းမြေ့ကြေကွဲ ။
လိပ်ပု
အိမ်ကိုပြန်ရောက်တော့ သတိတရရှိတာနဲ့ ကျောင်းတုန်းက သူငယ်ချင်းတွေ ရူးခဲ့ကြတဲ့ စာအုပ်ကလေးကို ပြန်ရှာကြည့်တာ မတွေ့ဘဲ အော်တိုစာအုပ်ကလေးတွေ့တာနဲ့ အဲဒီအထဲက သူငယ်ချင်းလိပ်ပု ရဲ့ ကဗျာလေးတွေ့တာနဲ့တင်ပေးလိုက်တာပါ။ သူငယ်ချင်းအားလုံးပြန်လည်နုပျို လန်းဆန်းလာအောင်လို့ပါ။
ဒီစာကို Select ပေးပြီး အကျယ် ကို ရေးပါ ...
.jpg)
အတွေးတွေးတိုင်း မင်းအကြောင်းပဲ နှလုံးသားထဲမှာစွဲ
ဖြတ်မရတဲ့ကြိုးတစ်စလို နှောင်ကြိုးက ခိုင်မြဲ
နှင်းဖွေးဖွေး လမ်းထဲ လှမ်းရသလိုပဲ
အေးမြတဲ့ အချစ်မျက်နှာ ကဗျာလေးတစ်ပုဒ်ပါပဲ
အိုး(၀ိုး)၃ သွေးကြောစိမ်းများ ယှက်ဖြာသွယ်ခဲ့ ပွင့်ဖတ်နုတ်ခမ်းများဝတ်လွှာလေးသဖွယ်
နန်းထိုက် ပန်းမကိုဋ် အလှတော်ဝင်တဲ့ အချစ်နတ်ဘုရားရဲ့ စေတမာန်ပါပဲ
စိတ္တဇရဲ့ အချစ်လိပ်ပြာ မင်းအနားရစ်ဝဲ
ပြုံးလိုက်တဲ့မင်းအလှ ဟာပန်းချီကားတစ်ချပ်ပါပဲ
တရွေ့ရွေ့ နဲ့ တဖြည်းဖြည်း နဲ့လှမ်းလျှောက်လာတဲ့
ခြေလှမ်းတလှမ်း ရဲ့ အဖိုးအခဟာ ကုဋေတစ်သန်း မက တန်တယ်
အိုး(၀ိုး)၃ သွေးကြောစိမ်းများ ယှက်ဖြာသွယ်ခဲ့ ပွင့်ဖတ်နုတ်ခမ်းများ ၀တ်လွှာလေးသဖွယ်
နန်းထိုက် ပန်းမကိုဋ် အလှတော်ဝင်တဲ့ အချစ်နတ်ဘုရားရဲ့စေတမာန်ပါပဲ- - -- - - -- --
မြို့ပြမှ ထွက်ခွာပါ ....
ရွေ့လျှားနေသော ယာဉ်တန်းများ ကိုမြင်ရခြင်းထက်
ကျေးလက်ရှူမျှော်ခင်းများကို ကြည့်ရှူ ရခြင်းက
ကိုယ်စိတ်ဖိစီးမှူကို ပြေပြောက်စေသည်။
ထို့ကြောင့် ....
ကျေးလက်သို့ မကြာမကြာသွားပါ။
ခိုင်မြဲ
ထုံးမဲ့ကွမ်းယာ ဆားမပါ ဟင်းလျှာစားဖွယ်မျိုး
အတတ်ချို့တဲ့ ပျို့တေးဘွဲ့ ဖွဲ့နွဲ့ကဗျာချိုး
ဥစ္စာမဲ့လင်း တန်ဆာဆင်း ဆင်ချင်းတပါးတိုး
ဤလေးမျိုးမှာ အရသာ မှန်စွာမရှိရိုး
ဆိုတဲ့အတိုင်းပဲ ဥယျာဉ်မှူးတွေ သစ်ပင်လေးတွေလာမစိုက်ကြတော့ ဥယျာဉ်ထဲ လျှောက်လည်ရတာကလည်း ပေါ့ပျက်ပျက်နေသလိုခံစားမိတယ်ဗျာ။
(သစ်ပင်မဲ့လျှင် ဥယျာဉ်တွင် လွန်ပင်ပျင်းရိစရာ။)
တံခွန်မရှိတဲ့ ဘုရား
အလံမရှိတဲ့ ရထား
ကြာမရှိတဲ့ ကန်
ဟာ မတင့်တယ်သလိုပဲ ဥယျာဉ်မှူးတွေ မရှိတဲ့ စိတ်မီးအိမ်ကလည်း တင့်တယ်မှု ကင်းမဲ့နေသလို အမိမဲ့သား၊ ရေနည်းငါးပမာ ခံစားမိတယ်ဗျာ။
ဒီစာကို Select ပေးပြီး အကျယ် ကို ရေးပါ ...
အမှတ်မှားကို သန့်စင်ခြင်း
အနတ္တ အရင်တုန်းက စိတ်ထဲမှာ ထင်မှတ်ထားတာလေးတစ်ခုရှိပါတယ်။ အဲဒါကတော့ လူအပါအဝင် သတ္တဝါတွေဟာ သေပြီးရင် နောက်ဘဝမှာ ကိုယ်ပြုလုပ်တဲ့ ကုသိုလ်ကံ၊ အကုသိုလ်ကံ တွေကတပါတည်းလိုက်ပြီး အကျိုးပေးတယ်။ ယခုဘဝ သေသွားတဲ့အခါမှာ အသက်ဝိညာဉ် ကလေးက နောက်ခန္ဓာ တစ်ခုမှာ သွားပြီးကိန်းအောင်းပြီး ဘဝအသစ်စတယ်ဆိုပြီးတော့ မှတ်ထင်ထား ပါတယ်။ လောက်လန်းသဖွယ်လိုပေါ့ ဒီဘက်အဖျားလေးကနေ ထောက်ပြီး ဟိုဘက်အဖျားလေး ထိလိုက်တာနဲ့ ဒီဘက်အဖျားလေးကို လွှတ်ပေးလိုက်သလိုမျိုး ဒီဘဝရဲ့ အသက်ဝိညာဉ်လေးကလည်း ဘဝ တစ်ခုနဲ့ တစ်ခုကူးပြောင်းတယ် ဆိုပြီးတော့ ထင်မှတ်ထားပါတယ်။ ဒါပေမယ့် ဆရာဆန်လွင် (အရှင်အာဒိစ္စရံသီ) ရဲ့ ဗုဒ္ဓဘာသာ သံသရာခရီးသည်အတွက် ပထမထွက်လမ်း ဆိုတဲ့ စာအုပ်ကိုဖတ်ပြီးတော့မှပဲ အနတ္တမှတ်ထားတာက သဿတဒိဋ္ဌိ စွဲ မှတ်ထားပါလားဆိုတာကို သိလိုက်ရပါတယ်။ ဆရာဆန်လွင်ရဲ့ စာသားအတိုင်း အနည်းငယ် ဖော်ပြပြီး အမှတ်မှားကို သန့်စင်ပါရစေ……………
>>> ဒီဘဝက ငါလုပ်ခဲ့တဲ့ ကောင်းမှုကုသိုလ်တွေကို နောင်ဘဝကျရင် ငါပဲ စံစားရမယ်။ ခံစားရမယ်လို့လည်း စွဲလမ်းယုံကြည်ကြတယ်။…..
"ကမ္မဘဝ ပစ္စယာ ဇာတိ” ဆိုတာကြောင့် ဒီဘဝမှာ စုတိစိတ် ကျတဲ့အခါ ရုပ်ရောနာမ်ရော ချုပ်တာ မှန်ပေမယ့် ကံက နောက်ဘဝကို လိုက်ပြီး ပဋ္ဋိသန္ဓေကို တည်ထောင်ပေးတယ်လို့ ယုံကြည်ကြပြန်တယ်။……..
ကံက ပဋ္ဋိသန္ဓေကိုလုပ်သည်။ ဒါဖြင့် ကံကလေးက ပဋ္ဋိသန္ဓေကို သွားလုပ်သလား။ သူကကော မပျက်ဘဲ လုပ်နိုင်သလား လို့ မေးလို့ရှိရင် မချုပ်ဘဲနဲ့ ဒီကံကလေးက သွားပြီး သာကာလ ခန္ဓာအိမ်ကလေး ဆောက်ပေးနေတယ်။ ဒီလို ယူတဲ့ အယူဟာ သဿတဒိဋ္ဌိ။ ကံလိုက်တယ်လို့ယူတဲ့ အယူဟာ သဿတဒိဋ္ဌိအယူ။…………….
ဘုရာသခင် ကိုယ်တော်မြတ်ကြီးက ဟေ့ တိုက်ရိုက်ယူရတဲ့ နေရာလည်းရှိတယ်ကွ။ ဆောင်ပြီးယူရတဲ့ နေရာလည်း ရှိတယ်ကွ။ ဒီနှစ်ခုကို မညှိတတ်ရင် ဒိဋ္ဌိဖြစ်တယ်။ (နှာ-၄၇၉)…………..
သဗ္ဗေ သင်္ခါရာ အနိစ္စာ ဆိုသောကြောင့် သူလည်းဖြစ်ပြီး ပျက်ပဲ။ ကံကြောင့် ပဋ္ဋိသန္ဓေ နေတယ်ဆိုတာကိုလည်း ဘုန်းကြီးက မငြင်းပါဘူး။ စေတနာက နာမ်၊ သူခိုင်းလို့ လုပ်တာက ရုပ်ကြီး။ လှူတယ်တန်းတယ်ဆိုတာ နာမ်ကလုပ်တာ။ နာမ်ရုပ်က လုပ်ပြီး လုပ်တဲ့နေရာမှာတင် ချုပ်တာပဲ။ ကမ္မဘဝပစ္စယာ ဇာတိလို့ ဘုရားက ဘာကြောင့်ပါလိမ့်။ ကြောင်းကျိုးဆက်ပေးလို့ ပထမနာမ်ရုပ်ကတော့ လုပ်ပြီး ချုပ်သွားတယ်။ ချုပ်တော့ ချုပ်တယ်။ ဒါပေမယ့် သူ့သတ္တိက နာမ်ရုပ်အကြောင်းကြောင့် နာမ်ရုပ်အကျိုး မပေါ်ဘူးလား။ (နှာ-၄၈၁) အရင်လုပ်တဲ့ ရုပ်နာမ်ကလုပ်တာလား။ သူက ချုပ်သွားပြီး။ ဒါဖြင့်ဘယ်သူလုပ်တာလဲ။ အကြောင်းချုပ်လို့ ရှိရင် အကျိုးသတ္တိက ဒီနေရာတွင်ချုပ်တယ်။ သူလဲ အနိစ္စပဲ။ မမြဲဘူး။ နောက်ပဋ္ဋိသန္ဓေထိ ဒီကံက လိုက်လုပ်တာ မဟုတ်ဘူး။ မလိုက်တာ သေချာတယ်။ အနိစ္စတရားမို့ မလိုက်နိုင်ဘူး။ ဒီလိုသိမှ သဿတ ဒီဋ္ဌိကို ပယ်နိုင်တယ်။(နှာ-၄၈၂) အကြောင်းနဲ့ အကျိုးဆက်တဲ့ သဘောပဲ။ ဒါကိုသိရင် အဆက်ပြတ်တယ်။ သေရင်ပြီးတာပဲ ချုပ်တာပဲဆိုတဲ့ ဥစ္ဆေဒဒိဋ္ဌိလည်း လွတ်တယ်။(နှာ-၄၈၃) မိုးကုတ် ဆရာတော်ဘုရားကြီး၏ ဟောကြားချက်ဖြစ်တယ်။
သဿတဒိဋ္ဌိ အစွဲသန်တဲ့ လူဟာ ကံကို အားကိုးတယ်။ ဒီဘဝ ငါလုပ်ခဲ့တဲ့ ကုသိုလ်ကံတွေ နောက်ဘဝမှာ ငါ့ကို အကျိုးပေးတော့မှာပဲလို့ နောက်ဘဝ ကောင်းစားရေးကို မျှော်တယ်။………………<<< အဲဒီစာသားတွေကတော့ ဆရာဆန်းလွင်ရဲ့ ဗုဒ္ဓဘာသာ သံသရာခရီးအတွက် ပထမထွက်လမ်း ဆိုတဲ့ စာအုပ်ရဲ့ စာမျက်နှာ ၆၈၊ ၆၉၊ ၇၀ ကစာသားလေးတွေကို ဖော်ပြပေးလိုက်တာပါ။ သူငယ်ချင်းမိတ်ဆွေအားလုံး အမှားနည်းပါး အလင်းများ စိတ်ထားကိုယ်စီ ဖြစ်ပါစေ…………….. ဒီစာကို Select ပေးပြီး အကျယ် ကို ရေးပါ ...
"အမှား" ကဗျာနဲ့ပါတ်သက်ပြီးတော့ သူငယ်ချင်းမိတ်ဆွေတွေက ပြောကြပါတယ်။ ကျေးဇူးတင်တယ်တဲ့။ ဒါပေမယ့် အနတ္တက တဆင့်သမားပါ။ တကယ်တန်း ကျေးဇူးတင်ရမှာက အနတ္တ မဟုတ်ပါဘူး။
အနတ္တ အရင်တုန်းက နှစ်အနည်းငယ်ကြာကြာ ကဗျာတစ်ပုဒ်ကို မေ့ဖို့ကြိုးစားဖူးပါတယ်။ ဒါပေမယ့် အဲဒီကဗျာလေးက ပါဒ(စာကြောင်း) လေး သုံးကြောင်းကို မေ့မရဘူးဖြစ်နေတယ်။ ကဗျာရေးဖွဲ့ သူကိုတော့ မမှတ်မိတော့ပါဘူး။ ပါဒလေး သုံးကြောင်းကတော့….
"ဆန္ဒာ ဒေါသ ဘယာ မောဟ အပါယ်ကျသာ
ဓမ္မလေးမည် ကတိတည်၍
လူ့ပြည်နတ်ရွာ ဆန်စုန်ဆန်လျှက်"……… တဲ့
အကတိ တရားလေးပါးကို ပြောပြထားတာပါ။ အနတ္တက အဲဒီကနေပြီးတော့ ချစ်၊မုန်း၊ကြောက်၊တွေဝေ ဆိုပြီး ယူရေးလိုက်တာပါ။ အဲဒီအတွက် နံပါတ်တစ် အဲဒီကဗျာရေးတဲ့ သူကို ကျေးဇူးတင်သင့်ပါတယ်။ နံပါတ်နှစ် ကတော့ အငှားခန္ဓာ ဆိုတဲ့ စကားလုံးက လယ်တီဆရာတော်ဘုရားကြီး သုံးနှုန်းတဲ့ စကားလုံးလေးပါ။ ကြိုက်လွန်းလို့ ယူသုံးလိုက်တာပါ။ အဲဒီအတွက်ကြောင့် လယ်တီဆရာတော်ဘုရားကြီး ကိုပဲ ကျေးဇူးတင်သင့်ပါတယ်။ နံပါတ်သုံးကတော့ အမှားဆိုတဲ့ စကားလုံးလေးကို ရင်ထဲမှာ စွဲနေအောင် ထည့်ပေးလိုက်တဲ့ သူပါ။ အလွန် တရာ ကျေးဇူး ကြီးမားလှပါတယ်။ သူကတော့ မိုးကုတ်ဆရာတော် ဘုရားကြီး ဦးဝိမလ ဖြစ်ပါတယ်။ အမှားကို ပါဠိလို မိစ္ဆာဒိဋ္ဌိ (ဒိဋ္ဌိ လို့ပဲသုံးလေ့ရှိပါတယ်) ခေါ်ဆိုပါတယ်။ ဆရာတော်ဘုရားက ဝိပဿနာ အားထုတ်တဲ့ပုဂ္ဂိုလ်ဟာ ဦစွာပထမ ဒိဋ္ဌိ ပြုတ်အောင် (အမှတ် မမှားအောင်) အရင်လုပ်ရပါတယ်တဲ့။ ဒိဋ္ဌိ ၆၂ မျိုးရှိပေမယ့် အဓိက ကတော့ သုံးမျိုးပဲ ရှိပါတယ်တဲ့။ အဲဒီသုံးမျိုးထဲမှာ ၆၂ မျိုးလုံး အကျုံးဝင်တယ်တဲ့။ အဲဒီသုံးမျိုးကတော့ (၁) သက္ကာယဒိဋ္ဌိ၊ (၂) သဿတဒိဋ္ဌိ၊ (၃) ဥစ္ဆေဒဒိဋ္ဌိ တို့ဖြစ်ပါတယ်။ အနတ္တက သက္ကာယဒိဋ္ဌိ ကို မရှိကိုအရှိထင်တဲ့အမှား၊ သဿတဒိဋ္ဌိကို မဆက်ကိုအဆက်ထင်တဲ့အမှား၊ ဥစ္ဆေဒဒိဋ္ဌိကို မပြတ်ကိုအပြတ်ထင်တဲ့အမှားဆိုပြီး ယူသုံးလိုက်တာပါ။ အမှန်တကယ်တော့ ဆရာတော်ဘုရားကြီးကိုပဲ ကျေးဇူးတင်သင့်ပါတယ်။ သူငယ်ချင်းမိတ်ဆွေအားလုံး အမှားနည်းအောင် (ဒိဋ္ဌိ ပါးအောင်) ကျင့်ကြံနေထိုင်နိုင်ကြပါစေ………..။
ဒီစာကို Select ပေးပြီး အကျယ် ကို ရေးပါ ...
ချစ်လို့မှားတဲ့ အမှား
မုန်းလို့မှားတဲ့ အမှား
ကြောက်လို့မှားတဲ့ အမှား
တွေဝေလို့မှားတဲ့ အမှား
အမှား အမှား မှား မှား
အမှားသံဿရာ အမှားကမ္ဘာမှာ
ကြိမ်ဖန်များစွာ တို့တွေမှားလာ
အမှားဝင်္ကဘာ အမှားအသင်္ချာ
ရှိလာပါလည်း မှားပြီးရင်းမှား
အမှား အမှား မှား မှား
မှန်တယ်ထင်တဲ့ အမှား
မှားတယ်ထင်တဲ့ အမှန်
အမှန်ကိုအမှားထင်တဲ့ အမှား
အမှားကိုအမှန်ထင်တဲ့ အမှား
လုပ်လို့မှားမှား မလုပ်လို့မှားမှား
အလျားအနံ မရှိပေမယ့်
အသွားအပြန် ရှိတဲ့အမှား
မှားမြဲမှားနေ တို့တတွေသည်
အငှားခန္ဓာ မှားစွာတွယ်ဖက်
သူ့ဘက်ပါအောင် မှားစွာရွက်ဆောင်
မရှိကိုအရှိထင်တဲ့ အမှား
မပြတ်ကိုအပြတ်ထင်တဲ့ အမှား
မဆက်ကိုအဆက်ထင်တဲ့ အမှား
ပိန်းပိတ်အောင်မှား လိမ့်ပိန့်အောင်မှား
ဒီလိုမှားလာ များစွာဘ၀
ရှိသပလည်း လွတ်အောင်ရုန်းမူ
မပြုဆောင်သူ နွံနစ်သူပမာ
ခံရမည်မှာ မမှားလေတည်း။
ဒီစာကို Select ပေးပြီး အကျယ် ကို ရေးပါ ...
Atom Feed (xml)
