BRAIN STORM ( Part 2 )

သီတင်ကျွတ်လပြည့် အဘိဓမ္မာနေ့မှာ သဗ္ဗညုတမြတ်စွာဘုရား ကို က၊ခ အမေးအဖြေ အပိုင်းတစ်အနေနဲ့ ပူဇော်ခဲ့ပါတယ်။ အခုလည်း က၊ ခ အပိုင်းနှစ်အနေနဲ့ ဆက်သွားကြည့်ရအောင်ဗျာ……
* ဒုက္ခအားလုံးချုပ်ငြိမ်းရာဖြစ်တဲ့မြတ်နိဗ္ဗါန်ကိုသွားတဲ့နည်းလမ်းကတော့…. နိဗ္ဗါန်ကို ကိုယ်တိုင်မျက်မှောက်ပြုပြီးဖြစ်တဲ့ဗုဒ္ဓမြတ်စွာဘုရားရဲ့ သစ္စာတရားတော်တွေကို နာကြားပြီး ရနိုင်လောက်တဲ့ ဇွဲသန်သန်နဲ့ ကျင့်ကြံအားထုတ်တဲ့နည်းလမ်းပဲလို့ ဆိုတော့…..
? ဗုဒ္ဓမြတ်စွာဘုရားရဲ့ သစ္စာတရားတော်တွေကို နာကြားဖို့အတွက် ဘာတွေလိုအပ်သလဲ။
* ၁။ သစ္စာတရားတော်တွေကို ဟောကြားနိုင်တဲ့ မြတ်ဘုရားပွင့်တော်မူတဲ့ အချိန်ကာလ (သို့) ဘုရားဟော တရားဒေသနာတော်တွေကို ပြန်လည်ဟောကြားနိုင်တဲ့ သာသနာတွင်းအချိန်ကာလ ဖြစ်ရမယ်။
၂။ သစ္စာတရားတော်တွေကို နာကြားနိုင်တဲ့ပုဂ္ဂိုလ်( သရဏဂုံ သုံးပါးတည်ပြီး ကိုယ်ခန္တာအစိတ်အပိုင်း ချို့ယွင်းမနေသူ) ဖြစ်ရပါ့မယ်။
? ဘုရားတစ်ဆူ ပွင့်တော်မူရန် ဘယ်လောက်ကြာလဲ။
* ဘုရားတစ်ဆူပွင့်ရန် ကြာချိန်ကို အတိအကျ မပြောနိုင်ပါ။ ဒါပေမယ့် အရှင်ဂေါတမမြတ်စွာ ပွင့်တော်မူရန်အတွက် လေးသင်္ချေနှင့် ကမ္ဘာတစ်သိန်း ပါရမီဖြည့်ကျင့်တော်မူရပါသည်။ ( မှတ်ချက်။ တစ်သင်္ချေ မှာ ကမ္ဘာပေါင်း တစ်နောက်မှ သုည တစ်ဆယ့်သုံးလုံးရှိဟု ဒေါက်တာမင်းတင်မွန်ဟောပြောစဉ်က မှတ်သားဖူးပါသည်။)
? ဒါဆို သာသနာနဲ့ကြုံကြိုက်ဖို့ရန်အတွက်လွယ်ပါ့မလား။
* လုံးဝ မလွယ်ကူပါ။ ဆယ်နှစ်မှ တစ်ကြိမ်သာ သမုဒ္ဒရာရေမျက်နှာပြင်ကို တက်လာတဲ့ လိပ်ကန်းကြီးဦးခေါင်းနဲ့ သမုဒ္ဒရာထဲကိုမျောလာတဲ့ ထွန်တုံးရဲ့အပေါက် စွပ်သွားရင်စွပ်သွားမယ် သာသနာနဲ့ကြုံ ဆုံရန်အတွက်ကတော့လုံးဝ မလွယ်ပါ လို့ မှတ်သားဖူးပါသည်။
? ဘုရားတွေရော ဘယ်နှစ်ဆူ ပွင့်တော်မူပြီးပြီလဲ။
* ယခုဘဒ္ဒကမ္ဘာမှာတော့ ဘုရားငါးဆူပွင့်တော်မူမှာဖြစ်ပြီး၊ ဘုရားလေးဆူ ပွင့်တော်မူပြီး အရိမေတ္တရမြတ်ဘုရားတစ်ဆူ ပွင့်တော်မူရန်ကျန်ရှိနေသေးကြောင်း သိရှိရပါသည်။ ဂင်္ဂါဝါနု သဲစု မက ဘုရားများပွင့်တော်မူခဲ့ကြောင်း သိရှိရပါသည်။
? ဘုရားတွေအသိန်း၊ အသန်း မက(မရေမတွက်နိုင်) ပွင့်တော်မူခဲ့တာ တောင်မှ ဘာလို့ နိဗ္ဗါန် မရောက်ကြသေးတာလဲ။
* ဘုရားပွင့်ချိန်မှာ နိဗ္ဗါန်ရောက်နိုင်တဲ့ ရင့်သန်တဲ့ပါရမီမရှိသေးလို့။ ရင့်သန်တဲ့ပါရမီရှိရင် ဘယ်ဘုံ၊ ဘယ်ဘ၀၊ ဘယ်လောက်ပဲအယူမှားနေပစေ ကျွတ်ထိုက်သောသူကို ကျွတ်တန်းဝင်အောင်မြတ်ဘုရားကချေချွတ်တော်မူခဲ့တာပဲ။
? ပါရမီရှိအောင်ဘယ်လိုလုပ်ရမလဲ။
* ဒါန၊သီလ စတဲ့ ပါရမီဆယ်ပါးကို ပြုလုပ်ရာမှာ ဘာအကျိုးရလာဒ်မှ မမျှော်ကိုးပဲ နိဗ္ဗါန်ရောက်ကြောင်း အထောက်အပံ့ ဖြစ်ပါစေ ဆိုရင် ပါရမီဖြည့်တာပဲ။
? ဒါန၊ သီလ…. စတာတွေကို ပြုလုပ်တိုင်းပါရမီ ဖြည့်ပြီးသားဖြစ်လား။
* ဒါန၊ သီလ… စတာတွေကိုပြုလုပ်တိုင်ပါရမီမဖြစ်ပါ။ ကုသိုလ်တော့ရပါသည်။ ကုသိုလ်ကံ အကျိုးပေးလို့ ကောင်းရာမွန်ရာဘုံဘ၀ကိုရောက်ရှိမည်ဖြစ်သော်လည်း ကံကုန်ပါက နောက်ထပ်အကျိုးပေးသည့်ကံအတိုင်း ခံစား၊ စံစားရမည်သာဖြစ်ပါသည်။
? ဘုံဘ၀ နှင့် နိဗ္ဗါန် သက်ဆိုင်မှုရှိပါသလား။
* သက်ဆိုင်ပါသည်။ လူဘုံ ဟာ နိဗ္ဗါန်ကိုရောက်ရန်အတွက် အနည်းစပ်ဆုံးဘုံပေါ့။ နတ်ပြည်၊ ဗြဟ္မပြည် တွေဟာ အသက်တွေရှည်ကြာလွန်း၊ ဒုက္ခခံစားရသိမ်မွေ့လွန်းလို့ သစ္စာလေးပါးသိရှိရန်မလွယ်ကူသည့်အတွက် နိဗ္ဗါန်ရောက်ရန် မနီးစပ်ပါ။ ငရဲ၊ တိရိစ္ဆာန်၊ ပြိတ္တာ၊ အသူရကယ်ဘုံတွေဟာလည်း ဒုက္ခတွေကို ပြင်းထန်စွာခံစား၊ ကောင်းမှုကုသိုလ်တွေကို ပြုလုပ်ဖို့ရန်လည်း အခြေအနေမပေးတဲ့အတွက် နိဗ္ဗါန်နှင့် လုံးဝ မနီးစပ်ပါ။

က၊ ခ အမေးအဖြေ အပိုင်း ၂ ရပ်နားခွင့်ပြုပါ။

ယောနိသောမနသိကာရ
အနတ္တ