မင်္ဂလာပါ

မင်္ဂလာပါ

သူငယ်ချင်းအားလုံး မင်္ဂလာပါ

ဟိုတလောလေးက စိတ်မီးအိမ်ဥယျာဉ်ထဲကို လျှောက်လည်းလို့ ရတုန်းကလည်း အနတ္တ တကယ်ဝမ်းသာမိတယ်။ အဲဒီအချိန်တုန်းကလည်း တကယ်မင်္ဂလာ ရှိတဲ့ အချိန်လေးပါပဲ။ ခုဏကလေးတင်ပဲ အနတ္တ ကောင်းတမာန် ဆီကို မေးလ်ပို့လိုက်သေးတယ်။ Seitmeeain Engineering Forum မှာ ပို့စ်လေးတင်ရအောင်လို့လေ... အထူးသဖြင့် SSP M Engineer တွေအတွက်ပေါ့... အဲဒီထဲမှာတောင် အနတ္တ ပြောဖြစ်သေးတယ် ကိုယ်ကိုတိုင် ပို့စ်တင်ခြင်တဲ့ အနတ္တရဲ့ အိမ်မက်ကိုလေ... ဒါပေမယ့် အဲဒီထဲမှာ လေးထဲမှာ အရုပ်ရေး သလိုပဲဆိုပြီးတော့လေ... အခုတော့ တကယ် လေထဲမှာ အရုပ်ရေးလို့ရပြီးပေါ့လေ... ၀မ်းလဲသာတယ် ... သူငယ်ချင်းတွေအားလုံး ဥယျာဉ်လေးထဲမှာ အပင်လေးတွေ ပြန်စိုက်ရင်းနဲ့ အပန်းဖြေကြရအောင်လေ....

[+/-] အပြည့်အစုံသို့...

[+/-] မိတ်ဆက်စာသာ...

Scholarships for flood victims in central burma

Applications are now open for flood victim students from Pakokku, Sinbyugyun and Seit Phyu towns

We would like to offer our donations for those students who are flood victims in Pakokku, Sinbyugyun and Seit Phyu towns. The students can directly apply for the scholarship by emailing to admin@seitmeeain.net. For application requirements and other details, please see

http://www.seitmeeain.net/application-requirements.

[+/-] အပြည့်အစုံသို့...

[+/-] မိတ်ဆက်စာသာ...

ဗေဒါ

ဗေဒါရေ…

တချို့လူတွေက မင်းကို ချီးမွမ်းကြလိမ့်မယ်။

ဗေဒါရေ…

တချို့လူတွေက မင်းကို ကဲ့ရဲ့ကြလိမ့်မယ်။

 

လိုသူတွေအတွက်

မင်းဟာ လေးစားအားကျစရာပဲ..။

မင်း…

ကြမ်းတမ်းတဲ့ ရေစီးကိုလည်း အာခံ ခဲ့၊

ဝဲဂယက်မှာလည်း မနှစ်မြှုပ်သွားအောင် ရုန်းကန်ခဲ့ရဖူးပြီ…။

မင်း…

ညင်သာတဲ့ ရေစီးတွေ့လည်း အလိုက်တသင့် မျောလိုက်ရုံလေးနဲ့ မကျေနပ်ခဲ့ပြန်ဘူး။

ဒါပေမယ့် ရေစီးကို အသုံးချလို့ ကိုယ့်ခရီးကို ကိုယ်တိုင် ပဲ့တင်နိုင်ခဲ့တယ် မဟုတ်လား..။

မင်း…

ဘဲအုပ်ပေါင်းများစွာရဲ့ ရန်ကလည်း အကြိမ်ကြိမ် တိုက်ပွဲဝင် လွတ်မြောက်ခဲ့ဖူးပြီ…။

လောကဓံအတက်အကျ ကို အာခံလို့….

နူးညံ့သဲထူတဲ့ မြစ်ကမ်းခြေမှာ…

ရွှံ့ထူ ညစ်ပတ်တဲ့ ညွှန်တောထဲမှာ…

ညီးတွားငိုမြည်း မနေပဲ….

အိပ်ယာမှတ်လို့ မေးစက်ခဲ့ရဖူးတာပဲ..

အရေးကြီးတာက

ပန်းတိုင် မပျောက်ဖို့နဲ့ မြန်မြန်ရောက်ဖို့ ပဲလို့ စိတ်တေးခဲ့ရတယ် မဟုတ်လား..။

မြစ်ဆုံးတဲ့ ပင်လယ်ဝမှာ ဒီရေတိုးတာ မြင်ဖူးချင်တယ် ဆိုတဲ့

မင်းရဲ့ ပန်းတိုင်ရောက်ဖို့

လမ်းတလျှောက်မှာ တခြားအပင်တွေ၊ ရေသတ္တ၀ါတွေကို

မင်းကြောင့် မကြွေကျစေခဲ့တာလည်း မင်းစေတနာပဲလေ..။

ဒါတွေကို....ငါတို့ မှတ်တမ်းတင် လေးစားအားကျမိတာပဲကွ...။

 

ဟော…

မလိုသူတွေ အတွက်ကျတော့

မင်းဟာ….

ခပ်အအ ငနဲ  တယောက်ပဲ…။

ကြမ်းတမ်းတဲ့ ၀ဲဂယက်မှာ မင်းကိုယ်မင်း ကြင်လည်တတ်ပြီလို့ ဘယ်လို ထင်နေပစေ

အချိန်တန်တော့ ရေစီးနဲ့ပဲ မင်းမျောနေရတာ ပဲတဲ့လေ..။

ဘဲအုပ်တွေက ထိုးဆိတ်စားသောက်လည်း

ဘာများ မင်း ကာကွယ်အား ရှိခဲ့လို့လည်း….

လှပတဲ့ မင်းပန်းပွင့်တွေ အတွက်ပဲ အေးချမ်းစွာ ရန်မလိုပဲ မင်း ဂုဏ်ယူတတ်တာ အားနည်းချက် မဟုတ်ပြန်ဘူးလား..တဲ့။

ပြီးတော့ မင်းက ကြက်တွေလိုပဲ…

ရောက်ရာ ဘ၀ မှာ ပျော်အောင် နေတတ်ရပြန်ပြီ

နေရာမရွေးမှာ ကျောချလို့

ဒါတောင် ပန်းတိုင် မပျောက်ဖို့၊ ရောက်ဖို့က ပဲ အရေးကြီးတယ်လို့ ဟစ်လုံးက ပေးနေပြန်သေး..တဲ့။

မင်း ကိုယ် ငါတို့ တကယ် သနားတယ် ဗေဒါ…တဲ့။

အခြေချ အမြစ်တွယ်လို့ ကောင်းတဲ့ မြေနေရာတွေ့ရင် မင်းက တထောက်နားလို့၊

ရေစီးကြမ်းလာရင် မျောလိုက်လိုက် နဲ့…

မင်းဘ၀က ဘာလဲ…တဲ့…။

 

အေး...

ငါဆိုတဲ့ ဗေဒါက တော့…

လင်ကွန်း ဟိုအရင်တုန်းက ပြောခဲ့ဖူးတဲ့ အတိုင်းပဲ…

ရန်သူနဲ့ မိတ်ဆွေ တွေဆီက မတူညီတဲ့ အသံတွေ ထွက်နေသမျှ မင်းမှန်တယ်တဲ့..။

အဲ….နှစ်ဘက်လုံးက တစ်သံတည်း အတူတူ ထွက်လာရင်တော့ မင်းမှားဖို့ များနေသတဲ့..။

မလိုသူတွေ၊ လိုသူတွေ ဘယ်လို ထင်ပစေ..

ငါဆိုတဲ့ ဗေဒါဟာ..

အချိန်တန်ရင် ငါ့လမ်း ငါသွားရမှာပဲ…

အရေးကြီးတာ ရုန်းကန်နေဖို့ပဲ…

ပန်းတိုင်ကို မပျောက်ရဘူး…၊

ရောက်ကို ရောက်ရစေမယ်…။

နှလုံးသားကို ရိုက်ဟီးလို့ ဖွင့်ထားမယ်…

ပြတင်းတံခါးကို အကျယ်ဆုံး ဖွင့်လို့..

အလင်းတန်းတိုင်းကို ၀င်လာစေပြီး

အမှောင်ထုတိုင်းကို ဖြိုချရှင်းပစ်မယ်…

တိုတောင်းတဲ့ ဘ၀အတွင်းမှာ…

ပန်းတိုင်ဆုံးအောင် မရောက်ခဲ့လည်း၊

ပန်းတိုင်ကို မြင်ခွင့်မရခဲ့လည်း..

ငါ သံဝေဂမရဘူး၊ ယူကျူံးမရလည်း ဖြစ်မှာ မဟုတ်ဘူး..

ငါ မှန်ကန်စွာ ရုန်းကန်ခံရတဲ့ တန်ဖိုးနဲ့ သိက္ခာနဲ့ တင် ကျေနပ်ပြီ…

ပြီးတော့...

လျှောက်ခဲ့ရတဲ့ လမ်းမှာ ငါ့ ပန်းပွင့် ခရမ်းပြာရောင်ကို

မြင်သူတိုင်းအတွက် ကြည်နူးမှုတွေ ပေးခဲ့ရတာလည်း ကျေနပ်စရာ တစ်ခုပဲ မဟုတ်လား...။

တကယ်ဆို..

လောကမှာ တာဝန်ကျေဖို့က အရေးကြီးဆုံးပဲ။

ငါဘယ်လောက် ခရီးရောက်လဲ၊ မရောက်သလဲ…

အကဲဖြတ်ဖို့နဲ့....

ကျန်တဲ့ အလုပ်တွေကိုတော့….ရန်သူနဲ့ မိတ်ဆွေတွေပဲ ဆက်လုပ်ကြလိမ့်ဦးမယ်…။

 

ကောင်းတမန်

၂၀၁၀-၁၀-၂၃

 

(ကျောင်းသို့သွားသည့် လမ်းဘေး ချောင်းထဲတွင် ယနေ့ မျောပါလာသော ဗေဒါပင် အစုလေးများကို မြင်၍ ပေါ်လာသော ခံစားမှုကို အခြေခံကာ ဤ ကဗျာအား ရေးဖွဲ့ပါသည်။ )

[+/-] အပြည့်အစုံသို့...

[+/-] မိတ်ဆက်စာသာ...

Marina Bay area as seen from the bird's eye view

Fig. 1  Marina Bay area as seen from the bird's eye view

Fig. 2    Marina Bay area as seen from the bird's eye view

Fig. 3 Marina Bay area + Raffles as seen from the bird's eye view

 

 

Copyright @ ktmgktmg@gmail.com

[+/-] အပြည့်အစုံသို့...

[+/-] မိတ်ဆက်စာသာ...

မငိုနဲ့ ဧရာဝတီ

ဧရာဝတီဟာ
ဘာပဲဖြစ်ဖြစ်
သူ့ရေတစက်
အရောင်းခံရတိုင်း
ငိုတယ် တဲ့ သားရ။

ဘယ်သူသိမှာလဲ .. ။
နောက်ဆို ...
ဧရာဝတီရဲ့ ရေတွေ
ငွေဖြစ်နေလောက်ပြီ။

 

အဲဒီအချိန်ကျ

ဧရာဝတီရယ်

ဧရာဝတီချစ်သူတွေရယ်

ရင်ကွဲပက်လက်

အရိုးချင်းဆက်

ငိုကြလိမ့်ဦးမယ်။

 

ခုတော့…

ဧရာဝတီ ဆက်စီးစေဖို့

ဧရာဝတီချစ်သူတွေလည်း

ဆက်စီးကြဦးစို့။

 

ကောင်းတမန်

[+/-] အပြည့်အစုံသို့...

[+/-] မိတ်ဆက်စာသာ...

ဘ၀ သို့မဟုတ် ခံယူချက်

ပိုးကိုက်ခံဘ၀အဖြစ်

လုံးပါးပါးသွားမယ့် အစား
အမိမြေကြီးအတွက်

တခုခု ပေးဆပ်နိုင်မယ့်
ရော်ရွက်ဝါတရွက် ငါ... ဖြစ်ချင်။

တကယ်ဆို......

ကြွေလွင့်ခြင်းမှာလည်း
အဓိပ္ပါယ်များစွာ ဖြင့်။

[+/-] အပြည့်အစုံသို့...

[+/-] မိတ်ဆက်စာသာ...

စင်္ကာပူမှ အလွှဲများ (၁)

စင်္ကာရောက် ဗမာများသည် ရေခြားမြေခြားတွင် ရောက်ရှိနေထိုင်နေကြရသော်လည်း ဗမာရိုးရာပွဲတော်များကို ရိုးရာမပျက် ကျင်းပလေ့ရှိကြသည်။ ထိုပွဲတော်များအနက်မှ ကဆုန်လပြည့် ဗုဒ္ဓနေ့တွင် ကျရောက်သော ညောင်ရေသွန်းပွဲတော်ကိုလည်း တိုးပါးယိုး ဗမာဘုန်းကြီးကျောင်းတွင် ၁၇-၀၅-၂၀၁၁ နေ့က စည်းကားစွာ ကျင်းပခဲ့လေသည်။ ထိုနေ့က ညောင်ရေသွန်းပွဲသို့ စင်္ကာပူနိုင်ငံမှ ဗုဒ္ဓဘာသာနွယ်ဝင် လူမျိုးခြားများလည်း လာရောက်ဆင်နွှဲကြသည်မှာ ကြည်နူးဖွယ်ပင်။ ဘာသာ၊သာသနာကို စောင့်ရှောက်ရုံတင်မကပဲ တိုးပွားစေရန် အားထုတ်နိုင်ကြသော ဗမာတို့၏ စိတ်ဓါတ်ကို လေးစားမိပေသည်။ သို့ရာတွင် ထိုနေ့က ဗမာ မိသားစု တစ်ခု နှင့် ဘုန်းကြီးတို့၏ စကားဝိုင်းကို ကြားလိုက်ရသောအခါ ဘာသာ၊သာသနာကို တိုးတက်စေရန် လုပ်ဆောင်နေကြသည်များကို သာဓုခေါ်မိသလိုပင်၊ ဘာသာစကားအလွှဲများကို ရဟန်းသံဃာ၊လူကြီးမိဘ၊ဆရာသမား နှင့် ဗမာများအားလုံး ၀ိုင်းဝန်းသတိထား ထိန်းသိမ်း ပြုပြင်ကြရန်လည်း လိုအပ်နေကြောင်း သတိပေးချင်စိတ်ဖြစ်လာမိပါသည်။ လိုအပ်သလို ၀ိုင်းဝန်း ထိန်းသိမ်းနိုင်ကြရန် ထိုနေ့က စကားဝိုင်းကို အောက်တွင် ဖော်ပြလိုက်ပါသည်။

"ဒကာတို့၊ ဒကာမတို့ ပြန်ကြတော့မလား။"

"တင်ပါ့ဘုရား။ တပည့်တော်မတို့ ပြန်လိုက်ပါဦးမယ် ဘုရား။ သမီး…မေမေတို့ ပြန်ရအောင်၊ ဘုန်းဘုန်းကို အာဘွား ပေးလိုက်ဦးလေ။"

"အာ………………….ဘွား။"

(၂-၃ နှစ်အရွယ် သမီးငယ်မှ တခြားဘက်သို့လှည်၍ ပါးစပ်ကို လက်ဖြင့် ပိတ်ကာ အာဘွားပေး၏။)

" သမီး..အားဘွားပေးရင် ဘုန်းဘုန်းဘက် လှည့်ပေးလေ သမီး။"

" အား……..ဘွား။"

(ဘုန်းကြီးရှိရာဘက်သို့ လှည့်၍ အားဘွားပေး၏။)

ဘုန်းကြီးလည်း ပြုံး၍သာ နားဆင်နေလေ၏။ ဘာမျှ မပြောတော့ပေ။

ဤအရွယ်တွင် ကလေးငယ် စကားပြောတတ်အောင်၊ လက်ခုပ်တီးတတ်အောင်၊ အာဘွားပေးတတ်အောင် မိဘတိုင်း သင်ပေးကြသည်။ ကလေးငယ် ဘာသာတရားကိုင်းရှိုင်းအောင်၊ လူကြီးမိဘ ရဟန်းသံဃာ ကို လေးစားအောင်လည်း ဤ အရွယ်မှပင် စ၍ သင်ကြားရပေမည်။ သို့ကြောင့် ကလေးငယ်ကို ဘုန်းကြီးအား အာဘွားပေးခိုင်းရန် မသင့်ဟု ထင်မြင်မိသည်။

ပြောင်းလဲလာသော ခေတ်နှင့် အညီ ဘာသာစကားပြောင်းလဲလာသည်မှ ကောင်းပါ၏။ သို့ရာတွင် ကလေးငယ်ပင် ဖြစ်လင့်ကစား ရဟန်း၊သံဃာကို အားဘွားပေးခိုင်းသည် အထိ ပြောင်းလဲ မလာသင့်ပေ။ ရဟန်း၊သက်ကြီးမိဘ စသည့် အလွှာအသီးသီး နှင့် ပြောဆိုရာတွင့် ခွဲခြားသုံးနှုန်းရန် စကားလုံး ဝေါဟာရများ ကြွယ်ဝသော၊ ဘာသာအဆင့်အတန်း၊ ယဉ်ကျေးမှု အဆင့်အတန်းမြင့်မားသော ဗမာ့ဓလေ့ကို ဆက်လက် ထိန်းသိမ်းသင့်ကြပေသည်။ အကယ်၍ အသစ်အဆန်းထွင်ပြုပြင် ပြောင်းလဲ လိုစိတ်ရှိပါကလည်း ဘာသာ၊သာသနာ နှင့် ဆီလျော်သော၊ ယဉ်ကျေးမှု မပျက်စေသော ပြုပြင်ပြောင်းလဲမှုမျိုးသာ ဖြစ်သင့်သည်ဟု ထင်မြင်မိပါသည်။ လူကြီးမိဘ၊ ရဟန်း၊သံဃာများမှလည်း အလိုက်သင့် စီးမျောမနေပဲ လိုအပ်သလို ပဲ့ကိုင်ထိန်းသိမ်းပေးစေလိုပါသည်။

[+/-] အပြည့်အစုံသို့...

[+/-] မိတ်ဆက်စာသာ...