Just relax

Proud as we are! Hotipark, Singapore

Queen of Hotipark, Singapore

Sweet as I am! Hotipark, Singapore

[+/-] အပြည့်အစုံသို့...

[+/-] မိတ်ဆက်စာသာ...

စလင်းချောင်းသို့ တမ်းချင်း

စလင်းချောင်းနံဘေးက

ငှက်အုပ်တတန်း

အသိုက်လိုက်ပျံသန်း

ဦးတည်ရာ ကိုယ်စီလှမ်း။



ယုံကြည်ရာ အနာဂတ်လမ်း

စိတ်သန်စွာ ပျံသန်းနိုင်ဖို့

လွမ်းဆွတ်တသစွာနဲ့

ဌာနေဟောင်းကို ခွဲခွါခဲ့။



ဒါပေမယ့်

အမိကျောင်းတော်ကြီးရဲ့

သင်ပေးပညာ၊

ဆင်ပေးအသိတန်ဆာ အပြည့်ကြောင့်

ကျင့်ကွင်းခေါ်လစ်

နေရာသစ်မှာ

တောင်ပံဖျတ်ဖျတ်

တွင်တွင်ခတ်ကာ လှပစွာ ပျံသန်းနိုင်ကြဆဲ။



ရည်ရွယ်ရာလမ်း ပျံကာသန်းရင်း

မွေးမြေရပ်ဟောင်း စလင်းချောင်းကို

ရော်ရမ်းမှန်းဆ သတိရမို့

ပြန်(ပျံ)ခဲ့သည်ဆို…….။



ထိုထိုတနေ့ တကယ်တွေ့လျှင်

ချွန်ထက်မြမြ နှုတ်သီးလှလှတွေနဲ့

ပန်းချီကားဟောင်း စလင်းချောင်းကို

အခြင်းကောင်းစွက် ချစ်ခြင်းထည့်လို့

အလှဆုံးဖြစ်အောင် ရေးဆွဲကြစို့။



အဲဒီနေ့ကျ..

ဧရာဝတီရယ်၊ စလင်းချောင်းရယ်

ငှက်ရောင်စုံရယ်

ဇာတ်ပေါင်းထုတ်ဖြစ်ကြရင်

စလင်းချောင်းရေတွေတောင် တရိပ်ရိပ်တိုးနေဦးမလား။



တွေးမိရင်ထဲ ဘာပဲ ဆိုဆို

စလင်းချောင်းရေ သူ့ဝန်ကျေကာ

ဧရာမြစ်ထဲ စီးဆင်းဆဲပဲ။

ထိုများတူစွာ ကျောင်းတော်သာလည်း

ရင်သွေးမျိုးဆက် ဆတိုးတက်ဖို့

ပညာမြတ်ပန်း..

ဆက်ကမ်းလှမ်းဆဲ..။



စလင်းချောင်း ငှက်များ

(အမိကျောင်းတော်သာသို့ နှစ် ၉၀ပြည့် အထိမ်းအမှတ်)

[+/-] အပြည့်အစုံသို့...

[+/-] မိတ်ဆက်စာသာ...

သဲတပွင့်သို့ တမ်းချင်း

ဧရာဝတီဟာ
ဘာပဲဖြစ်ဖြစ်
သူ့သဲတပွင့်
အရောင်းခံရတိုင်း
ငိုတယ် တဲ့ သားရ။

ဘယ်သူသိမှာလဲ .. ။
ခုဆို ...
ဧရာဝတီရဲ့ သဲတွေ
ကျွန်းဖြစ်နေလောက်ပြီ။

ကောင်းတမန်

To an Irrawaddy sand
The Mighty Irrawaddy cries
Whenever it dries
Because his beautiful pieces of sand
Being sold to the other land.
Alas!
Who knows when it comes for those sands
to become a part of a small island!
Kaungtamang

[+/-] အပြည့်အစုံသို့...

[+/-] မိတ်ဆက်စာသာ...

“တို့ညာမြေ”

"တို့ညာမြေ"

တို့ညာမြေလှ၊ သာစွရှု့မော၊
လွန်ကျယ်ပြောသည့်၊ ထန်းတောထန်းပင်
မြူခိုးလွင်စ......

ချွန်မြရှားစောင်း ၊ မြထနောင်းနှင့်
မန်ကျည်းတမာ ၊ ပင်လက်ပံရွှေဝါလောင်းတယ်
ပွင့်ပေါင်းဝေစီ..........

ဆက်ရက်ငယ်သာ၊ ရွှေကြိုးကြာတို့
ပင်ရောရာ ၊ မွှေကာယှက်တယ်
ရွှေကြက်ကမြူး........

တောင်သူ့ရှင် ၊ သျှောင်တစ်စောင်းနှင့်
သူ့သားမောင် သပိတ်သွင်းရန်
အားစိုက်ထွန်မြူး.........

တစ်စေ့တစ်စောင်းကြည့် ၊ရွှေကျီးလည်ပြန်
နွားပေါ်ကပျံ၊ ပင်လက်ပံပာိုထိပ်ဖျားမှာ
အိမ်ကြီးရှင် ယာလာလမ်းကို
သူလှမ်းကာ သာရှာလှတယ်
တောလေ့စခန်း........။ ။

နွယ်သဇင် (နတ်တပ်)

[+/-] အပြည့်အစုံသို့...

[+/-] မိတ်ဆက်စာသာ...

အတိတ်မှ သင်ခန်းစာကို သတိရပါ။

မိတ်ဆွေ ...
သင်၏ အတိတ် အတွေ့အကြုံမှ
သင်ယူဆည်းပူးမှူ မပြုခဲ့ဘူးဆိုရင်
အတိတ်ကို အတိတ်မှာ ထားခဲ့ဖို့
ခက်ခဲနေလိမ့်မယ် ...။

သင်ယူဆည်းပူးမှူ ပြုလုပ်ပြီးတာနဲ့
အတိတ်ကို အတိတ်မှာ ထားခဲ့မယ် ဆိုရင်
ပစ္စုပ္ပန်ကို တိုးတက်အောင်
သင် ... စွမ်းဆောင်ရာ ရောက်တယ်..။

[+/-] အပြည့်အစုံသို့...

[+/-] မိတ်ဆက်စာသာ...

"ရုန်းရင်းကန်ရင်း"

လေထန်တိုင်းသာ ပွင့်ကြွေပါမူ
ဘယ်မှာ ပန်းများကျန်မည်နည်း။

လှိုင်းပုတ်တိုင်းသာ ကမ်းပြိုပါမူ
ဘယ်မှာ မြေကြီးကျန်မည်နည်း။

ကျရှုံးတိုင်းသာ ငိုရပါမူ
ဘယ်မှာ မျက်ရည်ကျန်မည်နည်း။

အမှောင်တ၀က် လင်းတ၀က်သည်
တရက်တခါ ကြုံမြဲသာတည့်။

ဘ၀သည်ကား တိုက်ပွဲများပင်
လှုပ်ရှားရသော လူ့ရွာတောဝယ်
လင်းသောမှောင်သော အောင်သောရှုံးသော
မုန်းသောချစ်သော သစ်သောဟောင်းသော
ကောင်းသောဆိုးသော ညှိုးသောလန်းသော
ကြမ်းသောနုသော ပူသောအေးသော
စောကြောစိတ်ဖြာ မနေသာပေ
လဲရာကထ ကျရာကတက်
ပျက်ရာကဆောက် ရှေ့သို့လျှောက်၍
ရောက်ရာဘ၀ အားမာန်ပြရင်း
ရုန်းရကန်ရ မည်တကား။ ။

အေးငွေ
ငွေတာရီမဂ္ဂဇင်း
၁၉၇၀ပြည့်၊ ဧပြီလထုတ်

[+/-] အပြည့်အစုံသို့...

[+/-] မိတ်ဆက်စာသာ...

လူ့ဘဝ ရဟန္တာ

ဆရာဦးသော်ဇင် ရေးသားထားတဲ့ “ဧတဒဂ်ဝတ္ထု“ စာအုပ်ကလေးကို ဖတ်လိုက်တဲ့အခါမှာ အနတ္တ အမှတ်မှားနေတာလေး နှစ်ခုကို သွားပြီး သတိပြုမိလိုက်တယ်။ နံပါတ်(၁) အမှတ်မှားတာကိုတော့ ဒုက္ခ၊ သုခ ဆိုပြီးတော့ သစ်ပင်လေး တစ်ပင် စိုက်ပျိုးပြီးပါပြီ။ နံပါတ်(၂) အမှတ်မှားတာကတော့ လူ့ဘဝအနေဖြင့် သူတော်ကောင်းတရား၊ နိဗ္ဗာန်ရောက်ကြောင်းတရား၊ ဝိပဿနာတရားများကို ကြိုးစားအားထုတ်ပြီး လူ့ဘဝအနေဖြင့် ရဟန္တာဖြစ်သွားလျှင် လူတို့၏အပူကြောင့် ချက်ချင်း လက်ငင်း ခန္ဓာဝန်ချုပ်ငြိမ်းပြီး ပရိနိဗ္ဗာန် ၀င်စံတော်မူရတယ်လို့မှတ်ယူထားတာ ယခုဧတဒဂ်ဝတ္ထုလေးကို ဖတ်လိုက်ရမှပဲ မိမိအမှတ်မှားတာကို သတိပြုမိတော့တယ်။ အကြောင်းအရာတွေကတော့ မဂ်ဖိုလ်ကို လျှင်မြန်စွာရသော ခိပ္ပ ဘိညအရာ၌ ဧတဒဂ် ထားတော်မူသော ဗာဟိယ ဒါရုစိယ နှင့် မဟာပညာအရာ၌ ဧတဒဂ်ထားတော်မူသော ခေမာထေရီ တို့တွင် ဖတ်ရူသိရှိနိုင်ပါသည်။ ၄င်းအကြောင်းအရာတို့ကို ယခုသိရှိရအောင် အကြောင်းအရာအချို့ကို ထုတ်နှုတ် ဖော်ပြရသော် ………………..

စာမျက်နာ(၁၂၆) - ဗာဟိယ ဒါရုစိယသည် မြတ်စွာဘုရား ဆွမ်းခံဝင်နေစဉ်အတွင်း မြို့တွင်းသို့လိုက်ပြီး တရားဟောကြားပေးပါရန် လျှောက်ထားတောင်ပန်၏ ပထမအကြိမ်နှင့်ဒုတိယအကြိမ်တို့တွင်ပါယ်ပြီး တရားသက်ဝင် ဆင်ခြင်နိုင်သောဥာဏ် ထက်သန်ရင့်သန်လာသည့်အချိန်ကို စောင့်ဆိုင်းပြီး တတိယအကြိမ် လျှောက်ထားတောင်းပန်ခါမှ ဤသို့တရားဟောကြားတော်မူပါသည်……

”သို့ဖြစ်လျှင် ဗာဟိယ သင် ဤသို့ ကျင့်၊ မြင်ရာ၌ မြင်ကာမျှဖြစ်မည်၊ ကြားရာ၌ ကြားကာမျှ ဖြစ်မည်၊ တွေ့ရာ၌ တွေ့ကာမျှ ဖြစ်မည်၊ သိရာ၌ သိကာမျှ ဖြစ်မည်ဟု ကျင့်ပါဘိ၊ ဗာဟိယ သင်ဤသို့ကျင့်လျှင် ရာဂစသည်နှင့်တကွ ဖြစ်တော့မည် မဟုတ်၊ ဗာဟိယ ထိုအခါ သင်သည် ရူပါရုံ စသည်တို့၌ နှစ်သက်တော့မည် မဟုတ်၊ ပြစ်မှားတော့မည် မဟုတ်၊ တွေဝေတော့မည် မဟုတ်၊ ဗာဟိယ ထိုအခါ သင်သည် ဤမျက်မှောက်ဘဝလည်း ဖြစ်တော့မည် မဟုတ်၊ တမလွန်ဘဝလည်း ဖြစ်တော့မည် မဟုတ်၊ ဘဝနှစ်မျိုးလုံး ဖြစ်တော့မည် မဟုတ်၊ ယင်းသည်လျှင် ဆင်းရဲ၏ အဆုံးတည်း”

ဗာဟိယသည် ဒေသနာကို အစဉ်လျှောက်၍ ဉာဏ်ကို စေလွှတ်၏ ဒေသနာ၏အဆုံး၌ ပဋိသမ္ဘိဒါ လေးပါးနှင့်တကွ ရဟန္တာ ဖြစ်သွား၏ ။ ထိုအခါ မြတ်စွာဘုရားအား လျှောက်ကြား၏ -

”မြတ်စွာဘုရား ကျွန်ုပ်အား အစဉ်သနားသဖြင့် ရဟန်းပြုပေးပါ”

”ဗာဟိယ သပိတ်သင်္ကန်း မရှိသူအား ဗုဒ္ဓတို့ ရဟန်းပြုပေးခြင်း မရှိပါ၊ သင် ရဟန်းပြုလိုက သပိတ်သင်္ကန်း ရှာလေဦး”…………. စသည်နှင့်

စာမျက်နှာ (၁ဂ၂၊ ၁၈၃) - ရုပ်အဆင်းလှ၍ ရုပ်အဆင်း၌ မာန်ယစ်တော်မူသော ဗိမ္ဗိသာရမင်းကြီး၏ အဂ္ဂမဟေသီ ခေမာ မိဖုရားသည် ဘုရားသခင် သီတင်းသုံးတော်မူရာ ဝေဠုဝန် ဥယျာဉ်သို့ လှည့်လည် ပျော်ပါးကစားပြီး ညချမ်းအခါ ဘုရားရှင်၏ တရားတော်ကို နာကြား၏ ……………..

“ထိုအခါ ခေမာမိဖုရားသည် ယုံမှားခြင်း ကင်းကွာလျှက် သောတာပတ္တိမဂ်မစ၍အစဉ်အတိုင်းအားဖြင့် အရဟတ္တဖိုလ်သို့ရောက်လေ၏”…………

ခေမာမိဖုရားသည် မြတ်စွာဘုရားအား ကန်တော့ပြီးလျှင် နန်းတော်သို့ပြန်၏………………

”အဘယ်မိဖုရား ဘုရားသခင်ကို ဖူးမြင်ခဲ့ပါသလော”

”မင်းကြီး သင်တို့၏ ဘုရားသခင်ကို ဖူးရခြင်းမှာ သေးငယ်ပါသည်။ ကျွန်ုပ်၏ဖူးမြင်ရခြင်းမှာ ကြီးမားလှပါသည်။ ယနေ့ပင် ကျွန်ုပ် ရဟန်းပြုချင်ပါသည်”

”မင်းကြီးလည်း အားရဝမ်းသာစွာ ရတနာအတိပြီးသော ရွှေထမ်းစင်ဖြင့် ဆောင်စေ၍ တစ်ထောင်မျှလောက်သော ဘိက္ခုနီတို့ထံ၌ ရဟန်းပြုပေး၏ ထို့နောက် မြတ်စွာဘုရားသည် လူ့အဖြစ်ကပင် ရဟန္တာဖြစ်သော ခေမာထေရီအား မဟာပညာအရာ၌ ဧတဒဂ် ထားတော်မူ၏ ။



မှတ်ချက်။ ။ ဘုရားပွင့်တော်မူစဉ်ကာလမှ ရှေ့ကမ္ဘာတစ်သိန်း အတွင်း၌ ရဟန်းမဝတ်ဘူးသူ၊ သပိတ်၊သင်္ကန်း မလျှူဘူးသူကို ဘုရားရှင်သော်မှ ဧဟိဘိက္ခူ ခေါ်ပြီး ရဟန်းပြုပေး၍ မရကြောင်း မှတ်သားဘူးပါသည်။ အကြောင်း မှန်သည်၊ မှားသည်ကို သေချာမမှတ်မိပါ။ (မည်သူမဆို အမှန်၊အမှား မှတ်ချက်ရေးပါက ကျေးဇူးတင်ပါသည်)

အမှန်တရားကို သိနိုင်ကြပါစေ……

အနတ္တ (စလင်း)

[+/-] အပြည့်အစုံသို့...

[+/-] မိတ်ဆက်စာသာ...